ಜೇಷ್ಠತೆ ಆಧಾರದ ಮೇಲೆ 270 ಪಿಎಸ್​ಐಗಳಿಗೆ ಮುಂಬಡ್ತಿ ನೀಡಲು ಪೊಲೀಸ್​ ಇಲಾಖೆಯಿಂದ ಸಮ್ಮತಿ?

ಜೇಷ್ಠತೆ ಆಧಾರದ ಮೇಲೆ 270 ಪಿಎಸ್​ಐಗಳಿಗೆ ಸದ್ಯ ಮುಂಬಡ್ತಿ ನೀಡಲು ಪೊಲೀಸ್​ ಇಲಾಖೆ ಮುಂದಾಗಿದೆ. ಇಲಾಖೆಯ ಆಡಳಿತ ವಿಭಾಗದ ಎಡಿಜಿಪಿ ಪರಮಶಿವಮೂರ್ತಿ ಆದೇಶ ಹೊರಡಿಸಿದ್ದಾರೆ.

ಬೆಂಗಳೂರು:ರಾಜ್ಯದ ಪಿಎಸ್​ಐಗಳಿಗೆ ಪೊಲೀಸ್ ಇನ್ಸ್​ಪೆಕ್ಟರ್​ ಆಗಿ ಮುಂಬಡ್ತಿ ನೀಡುವ ವಿಚಾರಕ್ಕೆ ಸಂಬಂಧಿಸಿದಂತೆ ಜೇಷ್ಠತೆ ಆಧಾರದ ಮೇಲೆ 270 ಪಿಎಸ್​ಐಗಳಿಗೆ ಸದ್ಯ ಮುಂಬಡ್ತಿ ನೀಡಲು ಪೊಲೀಸ್​ ಇಲಾಖೆ ಮುಂದಾಗಿದ್ದು, ಈ ಕುರಿತು ಎಲ್ಲಾ ಘಟಕಾಧಿಕಾರಿಗಳಿಗೆ ಪಿಎಸ್​ಐಗಳ ಟ್ರ್ಯಾಕ್​ ರೆಕಾರ್ಡ್ ಕಳಿಸಲು ಇಲಾಖೆಯ ಆಡಳಿತ ವಿಭಾಗದ ಎಡಿಜಿಪಿ ಪರಮಶಿವಮೂರ್ತಿ ಆದೇಶ ಹೊರಡಿಸಿದ್ದಾರೆ‌.

ಸದ್ಯ ಪಿಎಸ್​ಐ ಮುಂಬಡ್ತಿ ನೀಡಲು ಇಲಾಖಾ ವಿಚಾರಣೆ ನಡೆಸುತ್ತಿದೆ‌‌. ಚಾಲ್ತಿ ಶಿಕ್ಷೆ, ಕ್ರಿಮಿನಲ್ ಪ್ರಕರಣದ ಬಗ್ಗೆ ಪರಿಶೀಲನೆ ಸಹ ನಡೆಸಲಿದೆ. 2013-14 ರಿಂದ 2017-18 ವರೆಗಿನ ಟ್ರ್ಯಾಕ್ ರೆಕಾರ್ಡ್ ಬರುವ ಜೂನ್ 7ರ ಒಳಗೆ ಕಳಿಸುವಂತೆ ಆಯಾ ಘಟಕದ ಅಧಿಕಾರಿಗಳಿಗೆ ಆದೇಶಿಸಿದ್ದಾರೆ.

ಬಡ್ತಿ ಮೀಸಲಾತಿ ಬಗ್ಗೆ ಬಿ.ಕೆ.ಪವಿತ್ರ ಕೇಸ್ ಹಾಕಿದ್ದರ ಹಿನ್ನೆಲೆಯಲ್ಲಿ ಮುಂಬಡ್ತಿ ತಡೆ ಹಿಡಿಯಲಾಗಿತ್ತು. ಇತ್ತೀಚೆಗೆ ಸುಪ್ರೀಂಕೋರ್ಟ್ ಸರ್ಕಾರದ ಆದೇಶ ಎತ್ತಿ ಹಿಡಿದಿತ್ತು. ಹೀಗಾಗಿ ಪಿಎಸ್​ಐಗಳಿಗೆ ಜೇಷ್ಠತೆ ಆಧಾರದ ಮೇಲೆ ಮುಂಬಡ್ತಿ ನೀಡಲು ಸರ್ಕಾರ ಮುಂದಾಗಿದ್ದು ಈ ಹಿನ್ನೆಲೆ ಪಿಎಸ್​ಐಗಳ ಟ್ರ್ಯಾಕ್ ರೆಕಾರ್ಡ್ ಪರಿಶೀಲನೆ ನಡೆಸಲಿದೆ. ಇಲಾಖಾ ವಿಚಾರಣೆ, ಕ್ರಿಮಿನಲ್ ಕೇಸ್ ಇರುವ ಪಿಎಸ್​ಐಗಳ ಮುಂಬಡ್ತಿ ತಡೆ ಹಿಡಿಯಲಾಗುತ್ತದೆ.