ಮತ್ತೋರ್ವ ಡ್ರಗ್ಸ್​​ ಪೆಡ್ಲರ್ ಹಾಗೂ ರಾಗಿಣಿ ಕಾರು ಚಾಲಕ ಸಿಸಿಬಿ ವಶಕ್ಕೆ

ರಾಗಿಣಿ ಕಾರು ಚಾಲಕನನ್ನು ಕೂಡ ವಿಚಾರಣೆಗೆ ಒಳಪಡಿಸಿದ್ದಾರೆ. ಈತ ಸಹ ಡ್ರಗ್ಸ್​​​ ಜಾಲದ ನಂಟು ಹೊಂದಿರುವ ಆರೋಪದ ಮೇರೆಗೆ ಸಿಸಿಬಿ ಅಧಿಕಾರಿಗಳು ವಶಕ್ಕೆ ಪಡೆದು ತನಿಖೆ ನಡೆಸಿದ್ದಾರೆ.

ಬೆಂಗಳೂರು:ಸ್ಯಾಂಡಲ್​ವುಡ್ ಡ್ರಗ್ಸ್​​​ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಮತ್ತೊಬ್ಬ ಡ್ರಗ್ಸ್​​ ಪೆಡ್ಲರ್​ನನ್ನು ಸಿಸಿಬಿ ಪೊಲೀಸರು ವಶಕ್ಕೆ ಪಡೆದು ತನಿಖೆ ನಡೆಸಿದ್ದಾರೆ.

ನಯಾಜ್ ಎಂಬ ವ್ಯಕ್ತಿಯನ್ನು ವಶಕ್ಕೆ ಪಡೆದಿದ್ದಾರೆ. ನಟಿ ರಾಗಿಣಿ ಆಪ್ತ ರವಿಶಂಕರ್ ಮಾಹಿತಿ ಆಧಾರದ ಮೇಲೆ ನಯಾಜ್​ನನ್ನು ವಶಕ್ಕೆ ಪಡೆಯಲಾಗಿದೆ. ನಿನ್ನೆ ರಾತ್ರಿ ನಯಾಜ್​ನನ್ನು ವಶಕ್ಕೆ ಪಡೆದಿದ್ದು, ರವಿಶಂಕರ್ ಹಾಗೂ ನಟಿ ರಾಗಿಣಿಗೆ ಡ್ರಗ್ಸ್​​ ಸಪ್ಲೈ ಮಾಡುತ್ತಿದ್ದನೆಂದು ಹೇಳಿದ್ದಾನೆಂಬ ಮಾಹಿತಿ ಲಭ್ಯವಾಗಿದೆ.

ರಾಗಿಣಿ ಕಾರು ಚಾಲಕನನ್ನು ಕೂಡ ವಿಚಾರಣೆಗೆ ಒಳಪಡಿಸಿದ್ದಾರೆ. ಈತ ಸಹ ಡ್ರಗ್ಸ್​​​ ಜಾಲದ ನಂಟನ್ನು ಹೊಂದಿರುವ ಆರೋಪದ ಮೇರೆಗೆ ಸಿಸಿಬಿ ಅಧಿಕಾರಿಗಳು ವಶಕ್ಕೆ ಪಡೆದು ತನಿಖೆ ನಡೆಸಿದ್ದಾರೆ.

ಮತ್ತೊಂದೆಡೆ ರಾಗಿಣಿ ಆಪ್ತ ರವಿಶಂಕರ್​ ಹಾಗೂ ವಿರೇನ್​​ನನ್ನು ಸಹ ಸಿಸಿಬಿ ಅಧಿಕಾರಿಗಳು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದ್ದಾರೆ.