ರಾಗಿಣಿ ಆಪ್ತ ರವಿಶಂಕರ್​ಗೆ ಮತ್ತೊಂದು ಸುತ್ತಿನ ಡ್ರಿಲ್..!

ನಿನ್ನೆ ಕಸ್ಟಡಿಗೆ ಪಡೆದುಕೊಂಡಿರುವ ರಾಗಿಣಿ ಆಪ್ತ ರವಿಶಂಕರ್​ನನ್ನು ಸಿಸಿಬಿ ಪೊಲೀಸರು ಮತ್ತೊಂದು ಸುತ್ತು ವಿಚಾರಣೆ ನಡೆಸಲಿದ್ದಾರೆ.

ಬೆಂಗಳೂರು: ಸ್ಯಾಂಡಲ್ ವುಡ್​ಗೆ ಡ್ರಗ್ಸ್ ನಂಟು ಆರೋಪ ಪ್ರಕರಣ ಸಂಬಂಧ ಸಿಸಿಬಿ ಪೊಲೀಸರು ರಾಗಿಣಿ ಆಪ್ತ ರವಿಶಂಕರ್​ಗೆ ಮತ್ತೊಂದು ಸುತ್ತು ಡ್ರಿಲ್ ಶುರುಮಾಡಿದ್ದಾರೆ.

ಪ್ರಕರಣದಲ್ಲಿ ಮೊದಲು ಸಿಸಿಬಿ ಕೈಗೆ ಸಿಕ್ಕಿಬಿದ್ದ ಆರೋಪಿ ರವಿಶಂಕರ್​ನನ್ನು ನಿನ್ನೆ ಮತ್ತೆ ಕಸ್ಟಡಿಗೆ ಪಡೆದುಕೊಂಡಿದ್ದು, ಮತ್ತೊಂದು ಸುತ್ತಿನ ವಿಚಾರಣೆ ನಡೆಸಲಿದೆ. ಸದ್ಯ ಪ್ರಕರಣದಲ್ಲಿ ಎ6 ಆರೋಪಿ ಆದಿತ್ಯ ಆಳ್ವ ತಲೆಮರೆಸಿಕೊಂಡಿದ್ದು, ಈತನ‌ ಮಾಹಿತಿ ಮತ್ತು ನೈಜೀರಿಯನ್ ಡ್ರಗ್ಸ್​ ಪೆಡ್ಲರ್​ಗಳೊಂದಿಗೆ ಇರುವ ಸಂಪರ್ಕದ ಕುರಿತಾಗಿ ಸಿಸಿಬಿ‌ ಪೊಲೀಸರು ಮಾಹಿತಿ ಕಲೆ ಹಾಕ್ತಿದ್ದಾರೆ.

ಬಂಧಿತ ಆರೋಪಿಗಳು ಹೈಫೈ ಡ್ರಗ್ಸ್​ ಖರೀದಿ ಮಾಡಿ ಪಾರ್ಟಿಯಲ್ಲಿ ಪೂರೈಸುತ್ತಿದ್ದರು, ಈ ಡ್ರಗ್ಸ್​ ಹೇಗೆ? ಯಾವ ಮಾರ್ಗದಿಂದ? ಯಾರು ತಂದುಕೊಡ್ತಿದ್ರು? ಅನ್ನೋ ಮಾಹಿಯನ್ನು ಸಿಸಿಬಿ ತನಿಖಾಧಿಕಾರಿಗಳು ಕಲೆಹಾಕ್ತಿದ್ದಾರೆ ಎಂದು ಹೇಳಲಾಗ್ತಿದೆ.

ಸದ್ಯದಲ್ಲೇ ‌ನ್ಯಾಯಾಲಯಕ್ಕೆ ದೋಷಾರೋಪ ಪಟ್ಟಿ ಸಲ್ಲಿಸಲು ಸಿಸಿಬಿ ಸಿದ್ಧವಾಗಿದೆ. ಹೀಗಾಗಿ ರಾಗಿಣಿ ಆಪ್ತನಿಂದ ಹೆಚ್ಚಿನ ಮಾಹಿತಿಯನ್ನು ಬಾಯ್ಬಿಡಿಸಲಿದ್ದಾರೆ.