ಮೆಜೆಸ್ಟಿಕ್‌ನಲ್ಲಿ ಲಾಂಗ್ ಹಿಡಿದು ವ್ಯಕ್ತಿಯ ಅನುಮಾನಾಸ್ಪದ ಓಡಾಟ: ಸಿಸಿಟಿವಿ ವಿಡಿಯೋ

ಮೆಜೆಸ್ಟಿಕ್​​ ಆವರಣದಲ್ಲಿ ಕೈಯಲ್ಲಿ ಲಾಂಗ್ ಹಿಡಿದು ವ್ಯಕ್ತಿಯೊಬ್ಬ ಅನುಮಾನಾಸ್ಪದವಾಗಿ ಓಡಾಡಿದ್ದಾನೆ. ಈ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಪೊಲೀಸರು ಘಟನೆಯನ್ನು ಗಂಭೀರವಾಗಿ ಪರಿಗಣಿಸಿದ್ದಾರೆ.

ಬೆಂಗಳೂರು: ನಗರದ ಹೃದಯ ಭಾಗ ಮೆಜೆಸ್ಟಿಕ್​​ನಲ್ಲಿ ಮಧ್ಯರಾತ್ರಿ ಮಾರಕಾಸ್ತ್ರ ಹಿಡಿದು ವ್ಯಕ್ತಿಯೊಬ್ಬ ತಿರುಗಾಡುತ್ತಿದ್ದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಮೆಜೆಸ್ಟಿಕ್ ರೈಲು ನಿಲ್ದಾಣದ ಬಳಿ ನಡುರಾತ್ರಿಯಲ್ಲಿ ಲಾಂಗ್ ಹಿಡಿದು ಬಂದ ಆಗಂತುಕ, ಇಲ್ಲಿನ ಮಹಿಳೆಯರ ಶೌಚಾಲಯದ ಸುತ್ತ ಸುಮಾರು ಎರಡ್ಮೂರು ಗಂಟೆ ಅಡ್ಡಾಡಿದ್ದಾನೆ. ಬಳಿಕ ಕಾಂಪೌಂಡ್ ಹಾರಿ ಪರಾರಿಯಾಗಿದ್ದಾನೆ. ಈ ದೃಶ್ಯವನ್ನು ನೋಡಿದ ಸಿಸಿಟಿವಿ ಮಾಲೀಕರು ಉಪ್ಪಾರಪೇಟೆ ಮತ್ತು ಕಾಟನ್​​ಪೇಟೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಪೊಲೀಸರು ದೃಶ್ಯಾವಳಿ ಆಧರಿಸಿ ವ್ಯಕ್ತಿಗಾಗಿ ಶೋಧ ಶುರು ಮಾಡಿದ್ದಾರೆ. ‌