52 ಬಾರಿ ಟ್ರಾಫಿಕ್​​​ ನಿಯಮ ಉಲ್ಲಂಘನೆ ಮಾಡಿ 53ನೇ ಬಾರಿ ಸಿಕ್ಕಿಬಿದ್ದ!

ಆನಂದ್ ಎಂಬಾತ​ ಸಿಗ್ನಲ್ ಜಂಪ್, ಒನ್ ವೇ ಸೇರಿದಂತೆ ಹಲವಾರು ನಿಯಮ ಉಲ್ಲಂಘನೆ ಮಾಡಿದ್ದು, ಈತನ ಮೇಲೆ 52 ‌ಪ್ರಕರಣ ದಾಖಲಾಗಿತ್ತು.

ಬೆಂಗಳೂರು: 53 ಬಾರಿ ಟ್ರಾಫಿಕ್ ನಿಯಮ ಉಲ್ಲಂಘನೆ ಮಾಡಿದ ಭೂಪ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ.

ಆನಂದ್ ಎಂಬಾತ 53 ಬಾರಿ ನಿಯಮ ಉಲ್ಲಂಘನೆ ಮಾಡಿ, ಫುಡ್​ ಡೆಲಿವರಿ ಮಾಡುವ ಸಮಯದಲ್ಲಿ ರೆಡ್ ಹ್ಯಾಂಡ್ ಆಗಿ‌ ಸಿಕ್ಕಿ‌ಹಾಕಿಕೊಂಡಿದ್ದಾನೆ. ಆನಂದ್​ ಸಿಗ್ನಲ್ ಜಂಪ್, ಒನ್ ವೇ ಸೇರಿದಂತೆ ಹಲವಾರು ನಿಯಮ ಉಲ್ಲಂಘನೆ ಮಾಡಿದ್ದು, ಈತನ ಮೇಲೆ 52 ‌ಪ್ರಕರಣ ದಾಖಲಾಗಿತ್ತು. ಇತ್ತೀಚೆಗೆ ಆಡುಗೋಡಿ ಬಳಿ ಫುಡ್ ಡೆಲಿವರಿ ಮಾಡಲು ತೆರಳುತ್ತಿದ್ದ ವೇಳೆ ಟ್ರಾಫಿಕ್ ಉಲ್ಲಂಘನೆ ಮಾಡಿದ್ದಾನೆ.

ಈ ವೇಳೆ ಟ್ರಾಫಿಕ್ ಪೊಲೀಸರು ಗಾಡಿ ಹಿಡಿದು ನಿಲ್ಲಿಸಿದ್ದಾರೆ. ನಂತರ ವಾಹನ ರಿಜಿಸ್ಟ್ರೇಷನ್ ನಂಬರ್ ಹಾಕಿ ಚೆಕ್‌ ಮಾಡಿದಾಗ ಅಸಲಿ ವಿಷಯ ಬೆಳಕಿಗೆ‌‌ ಬಂದಿದೆ. ಮೊದಲು ಪೊಲೀಸರು ಒಂದೆರಡು ಪ್ರಕರಣ ಎಂದು ಕೇಸ್ ಫೈಲ್ ಮಾಡಿ ಪ್ರಿಂಟ್ ಕೊಟ್ಟಿದ್ದಾರೆ.

ಇದೀಗ ಪ್ರಿಂಟಿಂಗ್ ಪೇಪರ್ ಖಾಲಿಯಾದರೂ ಪ್ರಕರಣ ಮುಗಿಯುತ್ತಿಲ್ಲ. ಈ ವೇಳೆ ಆನಂದ್ 53 ಬಾರಿ ನಿಯಮ ಉಲ್ಲಂಘನೆ ಮಾಡಿರುವ ವಿಚಾರ ಬೆಳಕಿಗೆ ಬಂದಿದ್ದು, ಸದ್ಯ ಆಡುಗೋಡಿ ಪೊಲೀಸರು ಆನಂದ್​ಗೆ ದಂಡ ಹಾಕಿದ್ದಾರೆ.