ಸಹೋದರಿಯನ್ನ ರೇಗಿಸಿದ್ದಕ್ಕೆ ಕೊಲೆ: ಆರೋಪಿಗಳ ಬಂಧನ

ಸಹೋದರಿಯರನ್ನು ರೇಗಿಸಿದ ಎಂಬ ಕಾರಣಕ್ಕೆ ಯುವಕನೋರ್ವನನ್ನು ಕೊಲೆಗೈದ ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.

ಬೆಂಗಳೂರು: ಬಸವೇಶ್ವರನಗರದ ಕಮಲಾನಗರದಲ್ಲಿ ನಡೆದ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿಗಳನ್ನು ಪೊಲೀಸ್ರು ಬಂಧಿಸಿದ್ದಾರೆ.

ಶಿವು, ಈಶ್ವರಿ, ಕರಿಯಾ ಬಂಧಿತ ಆರೋಪಿಗಳು.

ಈ ಆರೋಪಿಗಳು ನಿನ್ನೆ ನಿತೇಶ್ ಎಂಬಾತನನ್ನು ಚಾಕುವಿನಿಂದ ಚುಚ್ಚಿ ಕೊಲೆ ಮಾಡಿದ್ದರು. ಆರೊಪಿ ಶಿವು ಸಹೋದರಿಯಾಗಿದ್ದ ಈಶ್ವರಿಯನ್ನು ಮೃತ ನಿತೇಶ್ ರೇಗಿಸಿದ್ದನಂತೆ. ಸಹೋದರಿಯನ್ನ ರೇಗಿಸಿದ್ದ ಅನ್ನೋ ಕಾರಣಕ್ಕೆ ಕೋಪಗೊಂಡ ಆರೋಪಿ ಶಿವು ತನ್ನ ಸ್ನೇಹಿತನಾದ ಕರಿಯನ ಜೊತೆ ಸೇರಿ ಕಮಲಾನಗರದ ಶಂಕರ್​ನಾಗ್​ ಬಸ್ ಸ್ಟಾಪ್ ಬಳಿ ಇರುವ ಶೌಚಾಲಯದ ಬಳಿ‌ ಗಲಾಟೆ ಮಾಡಿದ್ದಾರೆ.

ಗಲಾಟೆ ತೀವ್ರಸ್ವರೂಪ ಪಡ್ಕೊಳ್ತಿದ್ದಂತೆ ಶಿವು ಹಾಗು ಕರಿಯಾ ಸೇರಿ ನಿತೇಶ್ ಕುತ್ತಿಗೆಗೆ ಚಾಕುವಿನಿಂದ ಇರಿದಿದ್ದಾರೆ ಎನ್ನಲಾಗಿದೆ.

ಘಟನೆಯಲ್ಲಿ ತೀವ್ರ ರಕ್ತಸ್ರಾವದಿಂದ ನಿತೇಶ್ ಸಾವನ್ನಪ್ಪಿದ್ದು, ಆರೋಪಿಗಳನ್ನು ಬಂಧಿಸಿದ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.