ಶಾಲಾ ಆವರಣದಲ್ಲಿ ನೆಲಕ್ಕುರುಳಿದ ಬೃಹತ್ ಆಲದ ಮರ ; ತಪ್ಪಿದ ಭಾರೀ ಅನಾಹುತ

ಯಲಹಂಕ ತಾಲೂಕಿನ ಮೈಲಪ್ಪನಹಳ್ಳಿಯ ನ್ಯೂ ಏಜ್ ವರ್ಲ್ಡ್ ಸ್ಕೂಲ್ ಆವರಣದಲ್ಲಿ ಬೃಹತ್ ಆಲದ ಮರ ಧರೆಗುರುಳಿದ್ದು, ಒಂದು ಆಟೋ, ಎರಡು ದ್ವಿಚಕ್ರ ವಾಹನ ಹಾಗೂ ವಿದ್ಯುತ್ ಕಂಬಗಳು ಜಖಂಗೊಂಡಿವೆ..

ಯಲಹಂಕ :ಮೈಲಪ್ಪನಹಳ್ಳಿಯ ನ್ಯೂ ಏಜ್ ವರ್ಲ್ಡ್ ಸ್ಕೂಲ್ ಆವರಣದಲ್ಲಿ ಬೃಹತ್ ಆಲದ ಮರವೊಂದು ಏಕಾಏಕಿ ನೆಲಕ್ಕುರುಳಿದ್ದು, ಯಾವುದೇ ಪ್ರಾಣಾಪಾಯವಾಗಿಲ್ಲ.

ಮುಂಜಾನೆ ಐದು ಗಂಟೆ ಸುಮಾರಿನಲ್ಲಿ ಏಕಾಏಕಿ ದೊಡ್ಡಮಟ್ಟದ ಶಬ್ಧ ಕೇಳಿ ಬಂದಿದೆ. ವಿದ್ಯುತ್ ಟ್ರಾನ್ಸ್​​ಫಾರ್ಮರ್​​​ ಬ್ಲಾಸ್ಟ್​​ ಆಗಿರಬಹುದು ಎಂದುಕೊಂಡ ಸ್ಥಳೀಯರು, ಮನೆಯಿಂದ ಹೊರಬಂದು ನೋಡಿದ್ರೆ ಆಲದ ಮರ ಧರೆಗುರುಳಿತ್ತು.

ಕೊರೊನಾ ಪ್ರೇರಿತ ಲಾಕ್​ಡೌನ್​ನಿಂದಾಗಿ ಶಾಲೆಗೆ ರಜೆ ನೀಡಲಾಗಿದ್ದರಿಂದ ಬೃಹತ್ ಅನಾಹುತವೇ ತಪ್ಪಿದಂತಾಗಿದೆ. ಘಟನೆಯಲ್ಲಿ ಒಂದು ಆಟೋ, ಎರಡು ದ್ವಿಚಕ್ರ ವಾಹನ ಹಾಗೂ ವಿದ್ಯುತ್ ಕಂಬಗಳು ಜಖಂಗೊಂಡಿವೆ.