ಬೆಂಗಳೂರಿನ ರಸ್ತೆ ಮೇಲೆಯೇ ಅನಾಥ ಶವ... ಕೊರೊನಾ ಭೀತಿಯಿಂದ ಹತ್ತಿರ ಸುಳಿಯುತ್ತಿಲ್ಲ ಜನ!

ಬೆಂಗಳೂರಲ್ಲಿ ಅನಾಥ ಶವವೊಂದು ಪತ್ತೆಯಾಗಿದ್ದು, ಇದನ್ನು ನೋಡಿದ ಜನರು ಭಯಭೀತರಾಗಿದ್ದಾರೆ. ಕೊರೊನಾ ಭೀತಿ ಹಿನ್ನೆಲೆ ಯಾರೂ ಕೂಡ ಮೃತದೇಹದ ಬಳಿ ಸುಳಿಯುತ್ತಿಲ್ಲ.

ಬೆಂಗಳೂರು: ಬಸವೇಶ್ವರ ನಗರದ 13ನೇ ಅಡ್ಡರಸ್ತೆಯಲ್ಲಿ ಅಂಬೇಡ್ಕರ್ ಸ್ಟೇಡಿಯಂ ಬಳಿ ಅನಾಥ ಶವವೊಂದು ಪತ್ತೆಯಾಗಿದೆ.

ಪೊಲೀಸರು ಶವದ ಮೇಲೆ ಕೆಂಪು ಬಟ್ಟೆ ಹೊದಿಸಿದ್ದಾರೆ. ಅನಾಥ ಶವಕಂಡು ಕೊರೊನಾ ಭೀತಿ ಹಿನ್ನೆಲೆ ಸಾರ್ವಜನಿಕರು ಬೆಚ್ಚಿಬಿದ್ದಿದ್ದು, ದೂರದಿಂದಲೇ ವೀಕ್ಷಿಸುತ್ತಿದ್ದಾರೆ.

ಪೊಲೀಸರು ಆ್ಯಂಬುಲೆನ್ಸ್​ಗಾಗಿ ಕರೆ ಮಾಡಿದ್ದು, ಅದರ ಆಗಮನಕ್ಕಾಗಿ ಕಾಯ್ತಿದ್ದಾರೆ. ವ್ಯಕ್ತಿ ಕೋವಿಡ್​ನಿಂದ ಮೃತಪಟ್ಟಿದ್ದಾನೆಯೋ ಅಥವಾ ಅನಾರೋಗ್ಯದಿಂದ ಸಾವು ಸಂಭವಿಸಿದೆಯಾ ಎಂಬ ಬಗ್ಗೆ ಮಾಹಿತಿ ತಿಳಿದು ಬರಬೇಕಿದೆ.