ಬಿಎಸ್​ವೈ ಸಂಪುಟದಲ್ಲಿ ಲಿಂಗಾಯತರಿಗೆ ಸಿಂಹಪಾಲು... ಯಾರಿಗೆ ಎಷ್ಟು ಸ್ಥಾನ?

ಇಂದು ರಾಜ್ಯ ಬಿಜೆಪಿ ಸರ್ಕಾರದ ಸಂಪುಟ ರಚನೆ ನಡೆಯಲಿದ್ದು, ಜಾತಿವಾರು ಲೆಕ್ಕಾಚಾರದಂತೆ ಯಾರಿಗೆ ಎಷ್ಟು ಸ್ಥಾನ ಸಿಗಲಿದೆ ಎಂಬ ಮಾಹಿತಿ ಇಲ್ಲಿದೆ.

ಬೆಂಗಳೂರು:ವಿಧಾನಸಭಾ ಚುನಾವಣೆಯಲ್ಲಿ ಉತ್ತರ ಕರ್ನಾಟಕ ಸೇರಿದಂತೆ ಬಿಜೆಪಿ ಕೈ ಹಿಡಿದ ಬಹುದೊಡ್ಡ ಸಮುದಾಯ ಲಿಂಗಾಯತ ಎನ್ನುವುದನ್ನು ಮನಗಂಡು ಆ ಸಮುದಾಯಕ್ಕೆ ಮೊದಲ ಹಂತದ ಸಂಪುಟ ವಿಸ್ತರಣೆಯಲ್ಲಿ ಸಿಂಹಪಾಲು ನೀಡಲಾಗಿದೆ. ಇನ್ನುಳಿದಂತೆ‌ ಜಾತಿ ಲೆಕ್ಕಾಚಾರದಂತೆಯೂ ಸಚಿವ ಸ್ಥಾನ ಹಂಚಿಕೆ ಮಾಡಲಾಗಿದೆ.

17 ಸ್ಥಾನಗಳಲ್ಲಿ 7 ಸ್ಥಾನ ಲಿಂಗಾಯತ ಸಮುದಾಯಕ್ಕೆ ಸೇರಿದ್ದು, ಮುಖ್ಯಮಂತ್ರಿ ಕೂಡ ಅದೇ ಸಮುದಾಯವಾದ ಕಾರಣ ಸಂಪುಟದಲ್ಲಿ ಲಿಂಗಾಯತ ಸಮುದಾಯದವರ ಸಂಖ್ಯೆ 8 ಆಗಿದೆ. ಉಳಿದ ಸಮುದಾಯದ 10 ಮಂದಿ ಅವಕಾಶ ಪಡೆದುಕೊಂಡಂತಾಗಿದೆ.

• ಜಾತಿವಾರು ಲೆಕ್ಕಾಚಾರ:
• ಲಿಂಗಾಯತ - 7
• ಒಕ್ಕಲಿಗ - 3
• ಎಸ್ಸಿ-ಎಸ್ಟಿ - 4
• ಹಿಂದುಳಿದ ವರ್ಗ - 2
• ಬ್ರಾಹ್ಮಣ -1
• ಒಟ್ಟು - 17