ರಾಜ್ಯದಲ್ಲಿಂದು ಕೋವಿಡ್​ಗೆ 32 ಜನ ಬಲಿ.. 46,426 ಮಂದಿಗೆ ಸೋಂಕು, ಪಾಸಿಟಿವಿಟಿ ರೇಟ್​ ಶೇ.32.95ಕ್ಕೆ ಏರಿಕೆ!

Karnataka COVID report: ಇಂದು ರಾಜ್ಯದಲ್ಲಿ ಒಂದೇ ದಿನ 32 ಸೋಂಕಿತರು ಮೃತಪಟ್ಟಿದ್ದು, ಸಾವಿನ ಸಂಖ್ಯೆ 38,614 ರಷ್ಟಿದೆ. ‌ಇಂದು ಟೆಸ್ಟಿಂಗ್ ಕಡಿಮೆ‌ ಇದ್ದರೂ ಸೋಂಕಿತರ ಸಂಖ್ಯೆ ಏರಿಕೆ ಆಗಿದೆ‌.

ಬೆಂಗಳೂರು: ರಾಜ್ಯದಲ್ಲಿ ಒಂದು ಕಡೆ ಸೋಂಕಿತರ ಸಂಖ್ಯೆ ಏರಿಕೆ ಆಗುತ್ತಿದ್ದರೆ, ಇತ್ತ ಸಾವಿನ ಸಂಖ್ಯೆಯಲ್ಲೂ ನಿಧಾನವಾಗಿ ಹೆಚ್ಚಳವಾಗ್ತಿದೆ. ಇಂದು ಒಂದೇ ದಿನ 32 ಸೋಂಕಿತರು ಮೃತಪಟ್ಟಿದ್ದು, ಸಾವಿನ ಸಂಖ್ಯೆ 38,614 ರಷ್ಟಿದೆ. ‌ಇನ್ನು ಇಂದು ಟೆಸ್ಟಿಂಗ್ ಕಡಿಮೆ‌ ಇದ್ದರೂ ಸೋಂಕಿತರ ಸಂಖ್ಯೆ ಏರಿಕೆ ಆಗಿದೆ‌. 1,40,884 ಜನರಿಗೆ ಕೊರೊನಾ ‌ಪರೀಕ್ಷೆ ನಡೆಸಿದ್ದು, 46,426 ಮಂದಿಗೆ ಸೋಂಕು ದೃಢಪಟ್ಟಿದೆ. ಈ ಮೂಲಕ ಸೋಂಕಿತರ ಸಂಖ್ಯೆ 35,64,108ಕ್ಕೆ ಏರಿಕೆಯಾಗಿದೆ.

41,703 ಸೋಂಕಿತರು ಗುಣಮುಖರಾಗಿದ್ದು, ಈ ತನಕ 31,62,977 ಡಿಸ್ಚಾರ್ಜ್ ಆಗಿದ್ದಾರೆ. ಸದ್ಯ ಸಕ್ರಿಯ ಪ್ರಕರಣಗಳು 3,62,487 ರಷ್ಟಿದೆ. ‌ಇವತ್ತಿನ ಪಾಸಿಟಿವಿಟಿ ರೇಟ್​ 32.95% ರಷ್ಟಿದ್ದರೆ, ಡೆತ್ ರೇಟ್ 0.06% ರಷ್ಟಿದೆ. ವಿಮಾನ‌ ನಿಲ್ದಾಣದಲ್ಲಿ 926 ಪ್ರಯಾಣಿಕರು ತಪಾಸಣೆಗೆ ಒಳಪಟ್ಟಿದ್ದಾರೆ. 364 ವಿದೇಶಿಗರು ಹೈ ರಿಸ್ಕ್ ದೇಶದಿಂದ ಆಗಮಿಸಿದ್ದಾರೆ.

ರಾಜಧಾನಿ ಬೆಂಗಳೂರಿನಲ್ಲಿ 21,569 ಮಂದಿಗೆ ಸೋಂಕು ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 16,07,226 ಕ್ಕೆ ಏರಿದೆ. 27,008 ಜನರು ಡಿಸ್ಚಾರ್ಜ್ ಆಗಿದ್ದರೆ, ಈವರೆಗೆ 13,64,333 ಗುಣಮುಖರಾಗಿದ್ದಾರೆ. 9 ಸೋಂಕಿತರು ಮೃತಪಟ್ಟಿದ್ದು, ಸಾವಿನ ಸಂಖ್ಯೆ 16,507ಕ್ಕೆ ಏರಿದೆ. ಸದ್ಯ ಸಕ್ರಿಯ ಪ್ರಕರಣಗಳು ಸಂಖ್ಯೆ 2,26,385 ಆಗಿದೆ.

ರೂಪಾಂತರಿ ವೈರಸ್ ಅಪ್​ಡೇಟ್ಸ್​:

• ಅಲ್ಪಾ- 156
• ಬೀಟಾ-08
• ಡೆಲ್ಟಾ- 2956
• ಡೆಲ್ಟಾ ಸಬ್ ಲೈನೇಜ್- 1372
• ಕಪ್ಪಾ-160
• ಈಟಾ-01
• ಒಮಿಕ್ರಾನ್- 931

ಜಾಹೀರಾತು-ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ