ಬೆಂಗಳೂರು ತಲುಪಿದ 28ನೇ ಆಕ್ಸಿಜನ್ ಎಕ್ಸ್​ಪ್ರೆಸ್: 117 ಟನ್ ಪ್ರಾಣವಾಯು ಆಗಮನ

ಒಂದು ತಿಂಗಳ ಹಿಂದೆ ಸಿಲಿಕಾನ್ ಸಿಟಿಯಲ್ಲಿ ರೋಗಿಗಳಿಗೆ ಆಕ್ಸಿಜನ್ ಕೊರತೆ ತೀವ್ರ ಸ್ವರೂಪ ಪಡೆದಿತ್ತು. ಇದೀಗ ಆ ಸಮಸ್ಯೆ ಪರಿಹಾರವಾಗಿದೆ. ಕೋವಿಡ್ 3 ನೇ ಅಲೆ ಪ್ರಾರಂಭವಾದರೂ ಆಕ್ಸಿಜನ್ ಕೊರತೆಯಾಗದಂತೆ ಸಂಗ್ರಹಿಸಿಟ್ಟುಕೊಳ್ಳಲಾಗ್ತಿದೆ.

ಬೆಂಗಳೂರು:ಗುಜರಾತ್​​ನಿಂದ ಪ್ರಾಣವಾಯು ಹೊತ್ತು ಆಗಮಿಸಿದ 28ನೇ ಆಕ್ಸಿಜನ್ ಎಕ್ಸ್​​ಪ್ರೆಸ್​ ವಿಶೇಷ ರೈಲು ಭಾನುವಾರ ಸಂಜೆ 6:30 ರ ಸುಮಾರಿಗೆ ನಗರದ ವೈಟ್‌ಫೀಲ್ಡ್ ಕಂಟೇನರ್​ ಡಿಪೋ ತಲುಪಿತು.

ಈ ವಿಶೇಷ ರೈಲು ಶನಿವಾರ ಬೆಳಗ್ಗೆ 11:45ಕ್ಕೆ ಗುಜರಾತ್​ನ ಕಾನಾಲಸ್​ನಿಂದ ಹೊರಟಿತ್ತು. ಒಟ್ಟು 6 ಕ್ರಯೋಜೆನಿಕ್ (cryogenic) ಕಂಟೇನರ್​ಗಳ ಮೂಲಕ 117.11 ಟನ್​ ಲಿಕ್ವಿಡ್ ಮೆಡಿಕಲ್ ಆಕ್ಸಿಜನ್ ಹೊತ್ತು ತಂದಿದೆ. ಇದುವರೆಗೆ ರಾಜಧಾನಿ ಬೆಂಗಳೂರಿಗೆ 28 ರೈಲುಗಳ ಮೂಲಕ 3,213.99 ಟನ್ ದ್ರವ ವೈದ್ಯಕೀಯ ಆಮ್ಲಜನಕ ತರಲಾಗಿದೆ.

376 ಆಕ್ಸಿಜನ್ ಎಕ್ಸ್​ಪ್ರೆಸ್​ಗಳಿಂದ ಪ್ರಾಣವಾಯು ಸಾಗಾಟ:

ಭಾರತೀಯ ರೈಲ್ವೆ ಇದುವರೆಗೆ 376 ಆಕ್ಸಿಜನ್ ಎಕ್ಸ್‌ಪ್ರೆಸ್‌ಗಳನ್ನು ಬಿಟ್ಟಿದ್ದು, ಒಟ್ಟು 1,534 ಟ್ಯಾಂಕರ್‌ಗಳಲ್ಲಿ 26,281 ಟನ್‌ಗಿಂತ ಹೆಚ್ಚು ದ್ರವ ವೈದ್ಯಕೀಯ ಆಮ್ಲಜನಕವನ್ನು ದೇಶಾದ್ಯಂತ ಸಾಗಿಸಲಾಗಿದೆ ಮತ್ತು ಕೋವಿಡ್ -19 ವಿರುದ್ಧದ ಹೋರಾಟಕ್ಕೆ 15 ರಾಜ್ಯಗಳಿಗೆ ಪರಿಹಾರ ನೀಡಿದೆ.

ಇದನ್ನೂಓದಿ: ತಗ್ಗಿದ ಕೋವಿಡ್ ಅಬ್ಬರ : ನಾಳೆಯಿಂದ ಉಪನೋಂದಣಿ ಕಚೇರಿಗಳು ಓಪನ್!