ಕೆ ಜಿ ಹಳ್ಳಿ, ಡಿ ಜೆ ಹಳ್ಳಿಯಲ್ಲಿ ಮತ್ತೆ 2 ದಿನ 144 ಸೆಕ್ಷನ್: ಕಮಲ್​ ಪಂತ್ ಆದೇಶ

ಬೆಂಗಳೂರು ಗಲಭೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸ್ಥಳದಲ್ಲಿ ಬಿಗುವಿನ ವಾತಾವರಣವಿದ್ದು, ಮುಂದಿನ 2 ದಿನ ಕೆಜಿ ಹಳ್ಳಿ, ಡಿಜೆ ಹಳ್ಳಿಯಲ್ಲಿ 144 ಸೆಕ್ಷನ್ ಮುಂದುವರೆಸಲಾಗಿದೆ.

ಬೆಂಗಳೂರು: ಕೆ ಜಿ ಹಳ್ಳಿ, ಡಿ ಜೆ ಹಳ್ಳಿ ಗಲಭೆ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಘಟನಾ ಸ್ಥಳದಲ್ಲಿ ಬಿಗುವಿನ ವಾತವರಣವಿದ್ದು, ಇನ್ನೆರಡು ದಿನಗಳ ಕಾಲ 144 ಸೆಕ್ಷನ್ ಮುಂದುವರೆಸಿ ನಗರ ಪೊಲೀಸ್​ ಆಯುಕ್ತ ಕಮಲ್​ ಪಂತ್​ ಆದೇಶ ಹೊರಡಿಸಿದ್ದಾರೆ‌.

ಕೆಜಿ ಹಳ್ಳಿ,ಡಿಜೆ ಹಳ್ಳಿಯಲ್ಲಿ ಮತ್ತೆ 2 ದಿನ 144 ಸೆಕ್ಷನ್

ಗಲಭೆಯಲ್ಲಿ ಭಾಗಿಯಾದವರು ತಲೆಮರೆಸಿಕೊಂಡಿರುವ ಕಾರಣ ಸದ್ಯ ಪೊಲೀಸರು ತಲಾಷ್​ ಮುಂದುವರಿಸಿದ್ದಾರೆ. ಗುಂಪು ಸೇರುವುದು, ಪ್ರತಿಭಟನೆ ನಡೆಸುವುದು ಅಥವಾ ವಿನಾಕಾರಣ ಅಡ್ಡಾದಿಡ್ಡಿ ಓಡಾಟ, ಮಾರಕಾಸ್ತ್ರಗಳನ್ನ ಇಟ್ಟುಕೊಳ್ಳುವುದು ಸೇರಿದಂತೆ ಪೊಲೀಸ್​ ಇಲಾಖೆ ಇವೆಲ್ಲಕ್ಕೂ ಬ್ರೇಕ್​ ಹಾಕಬೇಕಿದೆ.

ಸದ್ಯ ಪೊಲೀಸರು ಡಿ. ಜೆ. ಹಳ್ಳಿ, ಕೆ.ಜಿ. ಹಳ್ಳಿ ಹಾಗೆ ನಗರದ ಸೂಕ್ಷ್ಮ ಪ್ರದೇಶಗಳಲ್ಲಿ ಕಟ್ಟೆಚ್ಚರ ವಹಿಸಿದ್ದಾರೆ. ವಿನಾಕಾರಣ ಓಡಾಡುವುದು, ಪೊಲೀಸರ ಮಾತು ಕೇಳದ ಆರೋಪಿಗಳ ಮೇಲೆ ಲಾಠಿ ಪ್ರಯೋಗ ನಡೆಸಲಾಗುತ್ತಿದೆ.