ಬೆಂಗಳೂರು: ಒಂದೆಡೆ ಸಿಲಿಕಾನ್ ಸಿಟಿಯಲ್ಲಿ ಕೊರೊನಾ ಸೋಂಕಿನ ಲಕ್ಷಣಗಳು ಹೆಚ್ಚಾಗಿ ಕಂಡು ಬರುತ್ತಿದೆ. ಮತ್ತೊಂದೆಡೆ ಪಾದರಾಯನಪುರದ ಬಳಿ ಸೋಂಕಿನ ಲಕ್ಷಣ ಹೆಚ್ಚಾಗಿರುವ ಕಾರಣ ಸೆಕ್ಷನ್ 144 ಜಾರಿಮಾಡಲಾಗಿದೆ.
ಪಾದರಾಯನಪುರದಲ್ಲಿ ಕಾರ್ಪೊರೇಟರ್ ಇಮ್ರಾನ್ ಪಾಷಾ ಬಿಡುಗಡೆಯಾದ ಸಂದರ್ಭದಲ್ಲಿ ಜನ ಗುಂಪಾಗಿ ಸೇರಿ ನಿಯಮ ಉಲ್ಲಂಘನೆ ಮಾಡಿದ ಕಾರಣ ಪಾದರಾಯನಪುರದಲ್ಲಿ ನಗರ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್ 144 ಸೆಕ್ಷನ್ ಜಾರಿ ಮಾಡಿದ್ದರು.
ಸೆಕ್ಷನ್ ಜಾರಿ ಇದ್ದರೂ ಪಾದಾರಯನಪುರ ಜನ ಮಾತ್ರ ಡೋಂಟ್ ಕೇರ್ ಅನ್ನದೇ ಪೊಲೀಸರ ರೂಲ್ಸ್ ಮೀರಿ ಬೆಳ್ಳಂಬೆಳಗ್ಗೆ ಮನೆಯಿಂದ ಹೊರಗೆ ಬಂದು, ಮಾಸ್ಕ್ ಇಲ್ಲದೇ ಗುಂಪಾಗಿ ಓಡಾಡುತ್ತಿದ್ದಾರೆ.
ಪಾದರಾಯನಪುರ ಮೊದಲೇ ಬಹಳ ಸೆನ್ಸಿಟಿವ್ ಏರಿಯಾ ಆಗಿದ್ದು, ಈ ಹಿಂದೆ ಕೊರೊನಾ ವಾರಿಯರ್ ಮೇಲೆ ಹಲ್ಲೆ ನಡೆದಿತ್ತು. ಎರಡು ದಿನಗಳ ಹಿಂದೆ ಪಾದರಾಯನಪುರದಲ್ಲಿ ಹಂಗಾಮ ನಡೆದಿತ್ತು. ಆ ಬಳಿಕ ಎಚ್ಚೆತ್ತ ಪೊಲೀಸರು ಸೆಕ್ಷನ್ 144 ನ್ನು ಜೂನ್ 7 ರಿಂದ ಜೂನ್ 13ರವರೆಗೆ ಜಾರಿ ಮಾಡಿದ್ದರು. ಹಾಗೆ ಹಲವು ಏರಿಯಾಗಳಲ್ಲಿ ಬ್ಯಾರಿಕೇಡ್ ನಿರ್ಮಾಣ ಮಾಡಿ ಪೊಲೀಸರ ನಿಯೋಜನೆ ಮಾಡಿದ್ದರು. ಆದ್ರೂ ಕೂಡ ಜನ ಕೊರೊನಾ ಭೀತಿ ಮರೆತು ಓಡಾಡುತ್ತಿದ್ದಾರೆ.
