ಬಕ್ರೀದ್​​ಗೆ 12 ದಿನ ಬಾಕಿ: ಲಾಕ್​​ಡೌನ್ ಮಧ್ಯೆ ಬಕ್ರೀದ್​ ಕುರಿ ವ್ಯಾಪಾರ ಜೋರು

ಸಿಲಿಕಾನ್​ ಸಿಟಿಯಲ್ಲಿ ಲಾಕ್​​ಡೌನ್​ ಇದ್ರೂ ಚಾಮರಾಜ ಪೇಟೆಯ ಈದ್ಗಾ ಮೈದಾನದಲ್ಲಿ ಬಕ್ರೀದ್ ಕುರಿ ವ್ಯಾಪಾರ ಮಾತ್ರ ಜೋರಾಗಿದೆ. ಮಂಡ್ಯ, ಮದ್ದೂರು, ಮಳವಳ್ಳಿಯಿಂದ ವ್ಯಾಪಾರಿಗಳು ನಗರಕ್ಕೆ ಬಂದು, ಕುರಿಗಳನ್ನು ಮಾರಾಟ ಮಾಡುತ್ತಿದ್ದಾರೆ.

ಬೆಂಗಳೂರು:ಸಿಲಿಕಾನ್​ ಸಿಟಿಯಲ್ಲಿ ಲಾಕ್​ಡೌನ್ ಜಾರಿಯಾದ್ರು, ಆ.1 ರಂದು ಬಕ್ರೀದ್ ಹಬ್ಬ ಇರುವ ಹಿನ್ನೆಲೆ ಚಾಮರಾಜ ಪೇಟೆಯ ಈದ್ಗಾ ಮೈದಾನದಲ್ಲಿ ಬಕ್ರೀದ್ ಕುರಿ ವ್ಯಾಪಾರ ಜೋರಾಗಿದೆ.

ಜುಲೈ 14 ರಿಂದ ಒಂದು ವಾರಗಳ ಲಾಕ್​ಡೌನ್ ಜಾರಿ ಮಾಡಿ ಸರ್ಕಾರ ಆದೇಶ ಹೊರಡಿಸಿದೆ. ಹೀಗಾಗಿ ಅಗತ್ಯ ವಸ್ತುಗಳನ್ನು ಬಿಟ್ಟು, ಬೇರೆ ಯಾವುದೇ ವಹಿವಾಟು ನಡೆಯಬಾರದು ಎಂದು ಆದೇಶವಿದ್ದರೂ ಕುರಿಗಳ ವಹಿವಾಟು ಮಾತ್ರ ಭರ್ಜರಿಯಾಗಿ ನಡೆಯುತ್ತಿದೆ.

ಬಕ್ರೀದ್ ಕುರಿ ವ್ಯಾಪರ ಬಲು ಜೋರು

ಅಲ್ಲದೇ ಲಾಕ್​ಡೌನ್ ವೇಳೆ ಬೆಂಗಳೂರಿಗೆ ನೋ ಎಂಟ್ರಿ ನೋ ಎಕ್ಸಿಟ್ ಎಂದು ಪೊಲೀಸ್ ಇಲಾಖೆ ಹೇಳಿದ್ದರೂ ಮಂಡ್ಯ, ಮದ್ದೂರು, ಮಳವಳ್ಳಿಯಿಂದ ವ್ಯಾಪಾರಿಗಳು ನಗರಕ್ಕೆ ಬಂದಿದ್ದಾದರೂ ಹೇಗೆ ಎಂಬ ಪ್ರಶ್ನೆ ಜನರಲ್ಲಿ ಮೂಡಿದೆ.