ರಾಜ್ಯದಲ್ಲಿಂದು 1,074 COVID ದೃಢ: 4 ಮಂದಿ ಸಾವು

ಇಂದು ರಾಜ್ಯದಲ್ಲಿ 1,074 ಮಂದಿಗೆ ಹೊಸದಾಗಿ ಕೋವಿಡ್​(COVID) ಸೋಂಕು ತಗುಲಿದ್ದು, 1,136 ಮಂದಿ ಕೊರೊನಾದಿಂದ ಗುಣಮುಖರಾಗಿದ್ದಾರೆ. ಸೋಂಕಿಗೆ 4 ಮಂದಿ ಬಲಿಯಾಗಿದ್ದಾರೆ.

ಬೆಂಗಳೂರು:ರಾಜ್ಯದಲ್ಲಿ ಇಂದು 1,074 ಮಂದಿಗೆ ಕೋವಿಡ್(COVID) ದೃಢಪಟ್ಟಿದ್ದು, ಈ ಮೂಲಕ ಒಟ್ಟು ಸೋಂಕಿತರ ಸಂಖ್ಯೆ 29,59,164 ಕ್ಕೆ ಏರಿಕೆಯಾಗಿದೆ. ಈ ದಿನ ನಾಲ್ವರು ಸೋಂಕಿತರ ಕೋವಿಡ್​ಗೆ ಬಲಿಯಾಗಿದ್ದು, ಈವರೆಗೆ ಒಟ್ಟುಮೃತಪಟ್ಟವರ ಸಂಖ್ಯೆ 37,462 ಕ್ಕೆ ಏರಿಕೆಯಾಗಿದೆ.

ಇಂದು 1,136 ಮಂದಿ ಕೊರೊನಾದಿಂದ ಗುಣಮುಖರಾಗಿದ್ದು, ಒಟ್ಟು 29,04,683 ಮಂದಿ ವಿವಿಧ ಆಸ್ಪತ್ರೆಗಳಿಂದ ಬಿಡುಗಡೆಯಾಗಿದ್ದಾರೆ. ಸದ್ಯ ರಾಜ್ಯದಲ್ಲಿ 16,992 ಪ್ರಕರಣಗಳು ಸಕ್ರಿಯವಾಗಿವೆ.

ಬೆಂಗಳೂರಿನಲ್ಲಿ 343 ಮಂದಿಯಲ್ಲಿ ಪಾಸಿಟಿವ್ ದೃಢಪಟ್ಟಿದೆ. ಮೂವರು ಮೃತಪಟ್ಟಿದ್ದಾರೆ. ನಗರದಲ್ಲಿ 7,208 ಸಕ್ರಿಯ ಪ್ರಕರಣಗಳಿವೆ.