ಬನ್ನೇರುಘಟ್ಟ ಜೈವಿಕ ಉದ್ಯಾನವನದಲ್ಲಿ ಝೀಬ್ರಾ ಸಾವು

ಈಗ ಸಾವನ್ನಪ್ಪಿರುವ ಆರು ವರ್ಷದ ಪೃಥ್ವಿ ಎಂಬ ಹೆಸರಿನ ಝೀಬ್ರಾದೊಂದಿಗೆ ಮೂರು ಝೀಬ್ರಾಗಳನ್ನು ಇಸ್ರೇಲ್​ನ  ರಾಮತ್ಗನ್ (ಸಫಾರಿ)ಟೆಲಿ ಅವಿಲ್ ಮೃಗಾಲಯ ಕೇಂದ್ರದಿಂದ 26ನೇ ನವೆಂಬರ್ 2015ರಂದು ಪ್ರಾಣಿಗಳ ವಿನಿಮಯ ಯೋಜನೆಯಡಿ ಬನ್ನೇರುಘಟ್ಟ ಮೃಗಾಲಯಕ್ಕೆ ತರಲಾಗಿತ್ತು.

ಆನೇಕಲ್: ಬನ್ನೇರುಘಟ್ಟ ಜೈವಿಕ ಉದ್ಯಾನದ ಮೃಗಾಲಯದಲ್ಲಿ ಗಂಡು ಝೀಬ್ರಾ ಸಾವನ್ನಪ್ಪಿದೆ.

ಸಾಮಾನ್ಯವಾಗಿ ಕಾಣಿಸಿಕೊಳ್ಳುವ ಹೊಟ್ಟೆಯೂತದ ನೋವಿನಿಂದ ಸಾವನ್ನಪ್ಪಿದೆ ಎಂದು ಮೇಲ್ನೋಟಕ್ಕೆ ತಿಳಿದುಬಂದಿದೆಯಾದರೂ ನಿಖರ ಕಾರಣ ತಿಳಿದುಬಂದಿಲ್ಲ. ಈಗ ಸಾವನ್ನಪ್ಪಿರುವ ಆರು ವರ್ಷದ ಪೃಥ್ವಿ ಎಂಬ ಹೆಸರಿನ ಝೀಬ್ರಾದೊಂದಿಗೆ ಮೂರು ಝೀಬ್ರಾಗಳನ್ನು ಇಸ್ರೇಲ್​ನ ರಾಮತ್ಗನ್ (ಸಫಾರಿ)ಟೆಲಿ ಅವಿಲ್ ಮೃಗಾಲಯ ಕೇಂದ್ರದಿಂದ 26ನೇ ನವೆಂಬರ್ 2015ರಂದು ಪ್ರಾಣಿಗಳ ವಿನಿಮಯ ಯೋಜನೆಯಡಿ ಬನ್ನೇರುಘಟ್ಟ ಮೃಗಾಲಯಕ್ಕೆ ತರಲಾಗಿತ್ತು.

ಈ ಹಿಂದೆಯೂ ಕೂಡ ಆವರಣದಲ್ಲಿ ಅಗೆಯಲಾಗಿದ್ದ ಹಳ್ಳಕ್ಕೆ ಬಿದ್ದು ಗರ್ಬಿಣಿ ಹೆಣ್ಣು ಝೀಬ್ರಾವೊಂದು ಸಾವನ್ನಪ್ಪಿತ್ತು. ಈಗ ಎರಡು ಝೀಬ್ರಾ ಕಳೆದುಕೊಂಡಿರುವ ಮೃಗಾಲಯದಲ್ಲಿ ಒಂದು ಮರಿ ಸೇರಿ ಮೂರು ಝೀಬ್ರಾಗಳು ಉಳಿದಿವೆ ಎಂದು ಉಪ ನಿರ್ದೇಶಕ ಕುಶಾಲಪ್ಪ ತಿಳಿಸಿದ್ದಾರೆ.