ಬೆಂಗಳೂರು:ಐತಿಹಾಸಿಕ ವೇಣುಗೋಪಾಲ ಸ್ವಾಮಿ ದೇವಸ್ಥಾನದ ಹುಂಡಿ ಕಳ್ಳತನ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರು ಜನ ಆರೋಪಿಗಳನ್ನು ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ದೇವನಹಳ್ಳಿ ಪೊಲೀಸರು ಬಂಧಿಸಿದ್ದಾರೆ.
ಐತಿಹಾಸಿಕ ವೇಣುಗೋಪಾಲ ಸ್ವಾಮಿ ಹುಂಡಿ ಕಳ್ಳತನ ಪ್ರಕರಣ: ಆರೋಪಿಗಳ ಬಂಧನ
ಮಂಜುನಾಥ್, ಪಿಚ್ಚಿಗೊಂಡ, ಬಸವ, ವಿಜಯ ಕುಮಾರ್, ಕಬಾಡು ಮತ್ತು ಕುಮಾರ ಬಂಧಿತ ಆರೋಪಿಗಳು. ಎರಡು ತಿಂಗಳ ಹಿಂದೆ ದೇವನಹಳ್ಳಿಯ ಪ್ರಖ್ಯಾತ ವೇಣುಗೋಪಾಲ ಸ್ವಾಮಿ ದೇವಸ್ಥಾನದ ಹುಂಡಿ ಕಳ್ಳತನವಾಗಿತ್ತು. ಸಿಸಿಟಿವಿ ಕ್ಯಾಮೆರಾ ಇದ್ದರೂ ಹಿಂದಿನ ಬಾಗಿಲಿನಿಂದ ಬಂದು ಖದೀಮರು ಹುಂಡಿಯನ್ನು ದೋಚಿದ್ರು. ಇವರು ಮೈಸೂರು ಮತ್ತು ಮಂಡ್ಯ ಮೂಲದ ಅಲೆಮಾರಿ ಜನರಾಗಿದ್ದು, ದೇವನಹಳ್ಳಿಯ ಕೋಟೆ ಸರ್ಕಲ್ನ ಸರ್ಕಾರಿ ಜಮೀನಿನಲ್ಲಿ ಕಳ್ಳತನ ಮಾಡುವುದಕ್ಕೂ ಒಂದು ವಾರದ ಹಿಂದೆ ವಾಸವಿದ್ದರು ಎಂದು ತಿಳಿದು ಬಂದಿದೆ.