ಒಂಟಿ ವೃದ್ಧೆ ತಡೆದು ಸಂಬಂಧಿಯಂತೆ ಮಾತನಾಡಿದ ಕಳ್ಳ.. ದಿಢೀರ್ ಚಾಕು ತೆಗೆದು ಮೈಮೇಲಿದ್ದ ಚಿನ್ನಾಭರಣ ದೋಚಿದ!

ಪೊರಕೆ ಕಡ್ಡಿಯನ್ನು ಕೊಯ್ಯಲು ಹೋದ ಒಂಟಿ ವೃದ್ಧ ಮಹಿಳೆ ಹತ್ತಿರ ಇದ್ದ ಚಿನ್ನದ ತಾಳಿ, ಕಿವಿಯೋಲೆ, ಗುಂಡು ಮತ್ತು ಮೊಬೈಲ್​ನನ್ನು ದುಷ್ಕರ್ಮಿಯೋರ್ವ ದೋಚಿ ಪರಾರಿಯಾಗಿರುವ ಘಟನೆ ದೊಡ್ಡಬಳ್ಳಾಪುರ ತಾಲೂಕಿನ ಮಧುರನಹೊಸಹಳ್ಳಿಯಲ್ಲಿ ಬೆಳಕಿಗೆ ಬಂದಿದೆ.

ದೊಡ್ಡಬಳ್ಳಾಪುರ(ಬೆಂಗಳೂರು ಗ್ರಾಮಾಂತರ):ಪೊರಕೆ ಕಡ್ಡಿ ಕೊಯ್ಯುತ್ತಿದ್ದ ಒಂಟಿಯಾಗಿ ಸಿಕ್ಕ ವೃದ್ಧೆಗೆ ದುಷ್ಕರ್ಮಿಯೊಬ್ಬ ಚಾಕು ತೋರಿಸಿ ಬೆದರಿಸಿ, ಆಕೆಯ ಚಿನ್ನದ ತಾಳಿ, ಕಿವಿಯೋಲೆ, ಗುಂಡು ಮತ್ತು ಮೊಬೈಲ್ ದೋಚಿ ಪರಾರಿಯಾಗಿರುವ ಘಟನೆ ದೊಡ್ಡಬಳ್ಳಾಪುರ ತಾಲೂಕಿನ ಮಧುರನಹೊಸಹಳ್ಳಿಯಲ್ಲಿ ನಡೆದಿದ್ದು, ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ.

ಜನವರಿ 6 ರ ಬೆಳಗ್ಗೆ 10.30 ಸಮಯದಲ್ಲಿ ಈ ಘಟನೆ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. ಗ್ರಾಮದ ಹನುಮಕ್ಕ ಎಂಬುವರು ಪೊರಕೆ ಕಡ್ಡಿಯನ್ನು ಕೊಯ್ಯಲು ಹೋದಾಗ, ಬೈಕ್​​ನಲ್ಲಿ ಬಂದ ದುಷ್ಕರ್ಮಿ ಸಂಬಂಧಿಕ ಎಂದು ಹೇಳಿಕೊಂಡು ಆಕೆಯನ್ನು ಮಾತನಾಡಿಸಿದ್ದಾನೆ. ಬಳಿಕ ಚಾಕು ತೋರಿಸಿ ಬೆದರಿಸಿ ಆಕೆಯ ಬಳಿ ಇದ್ದ ಚಿನ್ನದ ಕಿವಿಯೋಲೆ, ಗುಂಡು, ತಾಳಿ ಮತ್ತು ಮೊಬೈಲ್ ದೋಚಿ ಪರಾರಿಯಾಗಿದ್ದಾನೆ.

ಇದನ್ನೂ ಓದಿ: ಆಟೋ ಚಾಲಕನಿಗೆ ಅವಾಚ್ಯ ಶಬ್ಧಗಳಿಂದ ನಿಂದಿಸಿದ ಆರೋಪ : ಲೇಡಿ PSI ವಿರುದ್ಧ ಸಾರ್ವಜನಿಕರು ಗರಂ

ಘಟನೆಯಾದ ದಿನವೇ ದೊಡ್ಡಬೆಳವಂಗಲ ಪೊಲೀಸ್ ಠಾಣೆಯಲ್ಲಿ ದೂರು ನೀಡಲಾಗಿದ್ದರೂ, ಪೊಲೀಸರು ಎಫ್​​ಐಆರ್ ದಾಖಲು ಮಾಡಿಲ್ಲ. ಕಳ್ಳನನ್ನ ಹಿಡಿಯುವುದಾಗಿ ಹೇಳುತ್ತಾರೆ ಹೊರತು, ಘಟನೆ ನಡೆದು 13 ದಿನವಾದ್ರೂ ಎಫ್ ಐಆರ್ ಮಾತ್ರ ದಾಖಲು ಮಾಡಿಲ್ಲ ಎಂದು ಅಜ್ಜಿ ಅಳಲು ತೋಡಿಕೊಂಡಿದ್ದಾರೆ.