ಆನೇಕಲ್ ಪೊಲೀಸ್ ಠಾಣಾ ಅಂಗಳದಲ್ಲಿ ರೌಡಿಗಳ ಪೆರೇಡ್!

ಆನೇಕಲ್ ಪೊಲೀಸ್ ಠಾಣಾ ಅಂಗಳದಲ್ಲಿ ರೌಡಿಗಳ ಪೆರೇಡ್ ನಡೆಸಲಾಯಿತು. ಈ ವೇಳೆ ಬಾಲ ಬಿಚ್ಚದಂತೆ ಡಿವೈಎಸ್ಪಿ ಹೆಚ್.​ಎಂ.ಮಹದೇವಪ್ಪ ಹಲವು ರೌಡಿಗಳಿಗೆ ಎಚ್ಚರಿಕೆ ನೀಡಿದರು.

ಆನೇಕಲ್: ಇತ್ತೀಚೆಗೆ ನಗರದಲ್ಲಿ ಪುಡಿ ರೌಡಿಗಳ ಕಾಟ ಹಾಗೂ ಕೊಲೆ ಪ್ರಕರಣಗಳು ಹೆಚ್ಚಾದ ಹಿನ್ನೆಲೆ ಎಚ್ಚೆತ್ತ ಆನೇಕಲ್ ಉಪವಿಭಾಗ ಪೊಲೀಸ್​ ಪ್ರತಿ ಠಾಣಾ ಹಂತದಲ್ಲಿ ಪೆರೇಡ್​ಗೆ ಕರೆಸಿ ಎಚ್ಚರಿಕೆ ನೀಡಿದೆ.

ಆನೇಕಲ್ ಉಪವಿಭಾಗದ ಡಿವೈಎಸ್ಪಿ ಹೆಚ್.​ಎಂ.ಮಹದೇವಪ್ಪ ನೇತೃತ್ವದಲ್ಲಿ ಆನೇಕಲ್ ಪೊಲೀಸ್ ಠಾಣಾ ಅಂಗಳದಲ್ಲಿ ಪೆರೇಡ್​ ನಡೆಸಲಾಯಿತು. ಈ ವೇಳೆ ಕರೆದಿದ್ದ ಪೆರೇಡ್​ನಲ್ಲಿ ಹಲವು ರೌಡಿಗಳಿಗೆ ಎಚ್ಚರಿಕೆ ಸಹ ನೀಡಲಾಯಿತು. ಉಡಾಫೆ ಮಾತು, ಕೊಲೆ ಬೆದರಿಕೆ, ರಾಜಕಾರಿಣಿಗಳ ಮುಲಾಜಿಗೆ ಬಿದ್ದರೆ ಮನೆಗೆ ನುಗ್ಗಿ ತಪಾಸಣೆ ನಡೆಸಿ ಕ್ರಮ ಕೈಗೊಳ್ಳಲಾಗತ್ತದೆ ಎಂದು ಡಿವೈಎಸ್ಪಿ ಮಹದೇವಪ್ಪ ಎಚ್ಚರಿಕೆ ನೀಡಿದರು.

ಪ್ರತಿ ತಿಂಗಳು ಇಂತಹ ಪೆರೇಡ್ ನಡೆಸಲಾಗುತ್ತದೆ. ಉತ್ತಮವಾಗಿ ಬಾಳಿದರೆ ಅಂತವರನ್ನು ಕ್ಷಮಿಸಲಾಗುತ್ತದೆ. ಒಳ್ಳೆಯ ಜೀವನಕ್ಕೆ ಅನುವು ಸಹ ಮಾಡಿಕೊಡಲು ಸಹಕರಿಸಲಾಗುವುದು. ಇದಲ್ಲದೇ ವಿನಾ ಕಾರಣ ಸಮಾಜದಲ್ಲಿ ಅಶಾಂತಿ ಮೂಡಿಸಿದರೆ ಪೊಲೀಸ್ ಕ್ರಮ ಜರುಗಿಸಲಾಗುತ್ತದೆ ಎಂದರು.

ಪೊಲೀಸ್ ಇನ್ಸ್​ಪೆಕ್ಟರ್ ಕೃಷ್ಣ, ನೂತನ ಎಸ್ಐ ಮಧುಕುಮಾರ್ ಪೆರೇಡ್​ನ ರೌಡಿಗಳ ವಿವರ ಪಡೆದರು.