ದೊಡ್ಡಬಳ್ಳಾಪುರ: ಪಿಎಸ್​ಐ ವೆಂಕಟೇಶ್ ಕುಟುಂಬದ ನಾಲ್ವರು ಕೊರೊನಾಗೆ ಬಲಿ!

ಎರಡು ವಾರದ ಅಂತರದಲ್ಲಿ ಪಿಎಸ್​​ಐ ವೆಂಕಟೇಶ್ ಅವರ ಕುಟುಂಬದ ನಾಲ್ವರು ಕೋವಿಡ್​​​ಗೆ ಬಲಿಯಾಗಿದ್ದಾರೆ. ಮೊದಲಿಗೆ ವೆಂಕಟೇಶ್ ಅವರ ಹಿರಿಯ ಮಗ, ನಂತರ ಅವರ ಅತ್ತೆ, ಮಾವ ಮತ್ತು ಭಾವ ಕೊರೊನಾದಿಂದ ಸಾವನ್ನಪ್ಪಿದ್ದಾರೆ.

ದೊಡ್ಡಬಳ್ಳಾಪುರ: ನಗರ ಪೊಲೀಸ್ ಠಾಣೆಯ ಪಿಎಸ್​​ಐ ವೆಂಕಟೇಶ್ ಅವರ ಕುಟುಂಬದ ನಾಲ್ವರು ಕೋವಿಡ್​​​ಗೆ ಬಲಿಯಾಗಿದ್ದಾರೆ.

ಪಿಎಸ್​ಐ ವೆಂಕಟೇಶ್ ಕುಟುಂಬದ ಎಲ್ಲ ಸದಸ್ಯರಿಗೂ ಕೊರೊನಾ ಸೋಂಕು ತಗುಲಿ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದರು. ಈ ಸಮಯದಲ್ಲೂ ಪಿಎಸ್​ಐ ವೆಂಕಟೇಶ್ ಸಾರ್ವಜನಿಕರಿಗೆ ಕೊರೊನಾ ವೈರಸ್ ಬಗ್ಗೆ ಜಾಗೃತಿ ಮೂಡಿಸುವ ಕೆಲಸ ಮಾಡುತ್ತಿದ್ದರು. ಠಾಣೆಯಲ್ಲಿ ಪೊಲೀಸ್ ಸಿಬ್ಬಂದಿಗೆ ಸ್ಟೀಮ್ ತೆಗೆದುಕೊಳ್ಳುವ ವ್ಯವಸ್ಥೆ ಮಾಡಿ ಮೆಚ್ಚುಗೆಗೆ ಪಾತ್ರರಾಗಿದ್ದರು.

ಪಿಎಸ್​ಐ ವೆಂಕಟೇಶ್ ಕುಟುಂಬ ಸದಸ್ಯರು ಕೋವಿಡ್​ಗೆ ಬಲಿ

ಇದನ್ನೂ ಓದಿ:ವಿವಾಹೇತರ ಸಂಬಂಧ: ಪತ್ನಿಯ ಪ್ರಿಯಕರನನ್ನು ಕೊಂದ ಪತಿ

ಎರಡು ವಾರದ ಅಂತರದಲ್ಲಿ ಕುಟುಂಬದ ನಾಲ್ಕು ಸದಸ್ಯರು ಸಾವನ್ನಪ್ಪಿದ್ದು, ಇಡೀ ಕುಟುಂಬ ದುಃಖದ ಮಡುವಿನಲ್ಲಿದೆ. ಮೊದಲಿಗೆ ವೆಂಕಟೇಶ್ ಅವರ ಹಿರಿಯ ಮಗ (ಎಂಬಿಬಿಎಸ್ ವ್ಯಾಸಂಗ ಮಾಡುತ್ತಿದ್ದರು) ಸಾವನ್ನಪ್ಪಿದ್ದಾರೆ. ನಂತರ ಅವರ ಅತ್ತೆ, ಮಾವ ಮತ್ತು ಭಾವ ಕೊರೊನಾಗೆ ಬಲಿಯಾಗಿದ್ದಾರೆ.