ದೇವನಹಳ್ಳಿ: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಇಂದು ಸಹ ವಿದೇಶದಿಂದ 130 ಪ್ರಯಾಣಿಕರು ಬಂದಿದ್ದು, ಮುನ್ನೆಚ್ಚರಿಕೆ ಕ್ರಮವಾಗಿ 130 ಜನರನ್ನ ಆಕಾಶ್ ಹಾಸ್ಪಿಟಲ್ಗೆ ಕಳುಹಿಸಿ ಪ್ರಾಥಮಿಕ ಚಿಕಿತ್ಸೆಗೆ ಒಳಪಡಿಸಲಾಗುತ್ತಿದೆ.
ವಿದೇಶದಿಂದ 130 ಜನರ ಆಗಮನ: ಆಕಾಶ್ ಆಸ್ಪತ್ರೆಯಲ್ಲಿ ಪ್ರಾಥಮಿಕ ತಪಾಸಣೆ - ಕೊರೊನಾ ವೈರಸ್ ಚಿಕಿತ್ಸೆ
ವಿದೇಶದಿಂದ ಬಂದ 130 ಪ್ರಯಾಣಿಕರನ್ನು ಆಕಾಶ್ ಆಸ್ಪತ್ರೆಯಲ್ಲಿ ಪ್ರಾಥಮಿಕ ತಪಾಸಣೆಗೆ ಒಳಪಡಿಸಲಾಗಿದೆ.
ಭಾರತದಲ್ಲಿ ಕೊರೊನಾ ವೈರಸ್
ಬೆಳಗ್ಗೆ 5.40 ರ ಸಮಯಕ್ಕೆ ದುಬೈನಿಂದ ಬಂದ ವಿಮಾನದಲ್ಲಿ 38 ಪ್ರಯಾಣಿಕರು, ಲಂಡನ್ ನಿಂದ 7.50 ರ ವಿಮಾನದಲ್ಲಿ 44 ಪ್ರಯಾಣಿಕರು, 9.45 ರ ವಿಮಾನದಲ್ಲಿ ಲುಫ್ಥಾನ್ಸ್ ನಿಂದ ಮರಳಿದ ಪ್ರಯಾಣಿಕರನ್ನ ಏರ್ಪೋರ್ಟ್ನಿಂದ ನೇರವಾಗಿ ಬಿಎಂಟಿಸಿ ಬಸ್ ಮೂಲಕ ದೇವನಹಳ್ಳಿಯ ಆಕಾಶ್ ಆಸ್ಪತ್ರೆಗೆ ಕಳುಹಿಸಲಾಗಿದೆ.
ಆಕಾಶ್ ಆಸ್ಪತ್ರೆಯಲ್ಲಿ ಎಲ್ಲರಿಗೂ ಪ್ರಾಥಮಿಕ ಆರೋಗ್ಯ ತಪಾಸಣೆ ಮಾಡಲಾಗುತ್ತಿದೆ. ಸ್ಕ್ರೀನಿಂಗ್ ಪರೀಕ್ಷೆ ಮಾಡಿ ಕೆಟಗರಿಗಳಾಗಿ ವಿಂಗಡಣೆ ಮಾಡಿ, ಬಳಿಕ A ಕೆಟಗರಿಗೆ ಬಂದವರನ್ನು ಬೆಂಗಳೂರಿನ ರಾಜೀವ್ ಗಾಂಧಿ ಆಸ್ಪತ್ರೆಗೆ ಕಳಿಸಲಾಗುತ್ತದೆ.