ಐಪಿಎಲ್ ಬೆಟ್ಟಿಂಗ್ ದಂಧೆ : ಆರೋಪಿ ಸೆರೆ ಹಿಡಿದ ಪೊಲೀಸರು

ಐಪಿಲ್ ಕ್ರಿಕೆಟ್ ಬೆಟ್ಟಿಂಗ್​ ನಲ್ಲಿ ತೊಡಗಿದ್ದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದು,ಬಂಧಿತನಿಂದ ಮೊಬೈಲ್​, ಹಾಗೂ 65 ಸಾವಿರ ರೂ. ವಶಪಡಿಸಿಕೊಂಡಿದ್ದಾರೆ.

ಆನೇಕಲ್ : ದೇಶದಲ್ಲಿ ಚುಟುಕು ಕ್ರಿಕೆಟ್ ಎಂದ ಖ್ಯಾತಿ ಪಡೆದಿರುವ ಐಪಿಲ್ ಅನ್ನು ಕೆಲವರು ತಮ್ಮ ಬೆಟ್ಟಿಂಗ್​ ದಂಧೆಗೆ ಬಳಸಿಕೊಳ್ಳುತ್ತಿದ್ದಾರೆ.

ಹೀಗಾಗಿ ಈ ಬೆಟ್ಟಿಂಗ್ ದಂಧೆ ತಡೆಗಟ್ಟಲು ಅತ್ತಿಬೆಲೆ ಪೊಲೀಸರು ಮುಂದಾಗಿದ್ದು, ಈ ಸಂಬಂಧ ಓರ್ವ ಆರೋಪಿಯನ್ನು ವಶಕ್ಕೆ ಪಡೆದಿದ್ದಾರೆ. ಭರತ್ (38) ಬಂಧಿತ ಆರೋಪಿಯಾಗಿದ್ದು, ಆತನಿಂದ ಬೆಟ್ಟಿಂಗ್ ಬಗ್ಗೆ ಗೀಚಿದ್ದ ಹಾಳೆ, ನೋಟ್ ಬುಕ್ ಮತ್ತು ಅರವತ್ತೈದು ಸಾವಿರ ನಗದು ವಶಪಡಿಸಿಕೊಂಡು ಆತನ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಐಪಿಲ್ ಬೆಟ್ಟಿಂಗ್​ ದಂಧೆ ಜಾಡು ಬೆನ್ನತ್ತಿರುವ ಪೊಲೀಸರು ಆರೋಪಿ ಭರತ್​ ನನ್ನು ತೀವ್ರ ವಿಚಾರಣೆಗೊಳಪಡಿಸಿದ್ದಾರೆ.