ದಾಂಪತ್ಯದಲ್ಲಿ ವಿರಸ: ಇಬ್ಬರು ಮಕ್ಕಳೊಂದಿಗೆ ಪತ್ನಿ ನಾಪತ್ತೆ

ಗಂಡನೊಂದಿಗೆ ಮುನಿಸಿಕೊಂಡ ಹೆಂಡತಿ ತನ್ನಿಬ್ಬರು ಹೆಣ್ಣು ಮಕ್ಕಳೊಂದಿಗೆ ಮನೆ ಬಿಟ್ಟು ನಾಪತ್ತೆಯಾದ ಘಟನೆ ಬೆಂಗಳೂರು ಗ್ರಾಮಂತರ ಜಿಲ್ಲೆ ತ್ಯಾಮಗೊಂಡ್ಲು ಪಟ್ಟಣದ ಹೊಸ ಕಾಲೊನಿಯಲ್ಲಿ ನಡೆದಿದೆ.

ನೆಲಮಂಗಲ : ಗಂಡ ಹೆಂಡತಿಯ ವಿರಸದಿಂದ ಬೇಸತ್ತ ಪತ್ನಿ ತನ್ನಿಬ್ಬರು ಹೆಣ್ಣು ಮಕ್ಕಳ ಜೊತೆ ನಾಪತ್ತೆಯಾದ ಘಟನೆ ನೆಲಮಂಗಲ ತಾಲೂಕಿನ ತ್ಯಾಮಗೊಂಡ್ಲು ಪಟ್ಟಣದ ಹೊಸ ಕಾಲೊನಿಯಲ್ಲಿ ನಡೆದಿದೆ.

ಹೊಸ ಕಾಲೊನಿ ನಿವಾಸಿ ಅನಿಲ್ ಕುಮಾರ್ ಪತ್ನಿ ಪುಷ್ಪ (28) ಮಕ್ಕಳಾದ ಭೂಮಿಕಾ (7) ಮತ್ತು ನಾಗಶ್ರೀ (6) ಕಾಣೆಯಾದವರು.

ಜುಲೈ 27ರಂದು ಮನೆಯಿಂದ ಹೊರ ಹೋದ ಇವರು ಇದುವರೆಗೂ ಪತ್ತೆಯಾಗಿಲ್ಲ. ತಾಯಿ ಮಕ್ಕಳ ನಾಪತ್ತೆಗೆ ಪತಿ ಅನಿಲ್ ಕುಮಾರ್ ಮತ್ತು ಪತ್ನಿ ಪುಷ್ಪ ನಡುವಿನ ವಿರಸವೇ ಕಾರಣ ಎಂದು ಹೇಳಲಾಗುತ್ತಿದೆ.

ಸಾರ್ವಜನಿಕರಲ್ಲಿ ಮನವಿ:

ಕಾಣೆಯಾದ ಪುಷ್ಪ 4.5 ಅಡಿ ಎತ್ತರವಿದ್ದು, ಸಾಧಾರಣ ಮೈಕಟ್ಟು, ದುಂಡು ಮುಖ, ಬಿಳಿ ಮೈಬಣ್ಣ ಹೊಂದಿದ್ದು, ಕನ್ನಡ ಮಾತನಾಡುತ್ತಾರೆ. ಭೂಮಿಕಾ 3ನೇ ತರಗತಿ ವ್ಯಾಸಂಗ ಮಾಡುತ್ತಿದ್ದು ಮೂರು ಅಡಿ ಎತ್ತರ ಇದ್ದು, ಸಾಧಾರಣ ಮೈಕಟ್ಟು, ದುಂಡುಮುಖ, ಬಿಳಿ ಮೈಬಣ್ಣ, ನಾಗಶ್ರೀ ಒಂದನೇ ತರಗತಿ ವ್ಯಾಸಂಗ ಮಾಡುತ್ತಿದ್ದು 2.5 ಅಡಿ ಎತ್ತರ ಇದ್ದಾಳೆ. ಇವರ ಬಗ್ಗೆ ಮಾಹಿತಿ ದೊರೆತರೆ ತ್ಯಾಮಗೊಂಡ್ಲು ಪೊಲೀಸರಿಗೆ ತಿಳಿಸುವಂತೆ ಮನವಿ ಮಾಡಲಾಗಿದೆ.

ಮೊಬೈಲ್- 9480802463