ಪ್ರತ್ಯೇಕ ಪ್ರಕರಣ: ಮನೆ ಮುಂದೆ ನಿಲ್ಲಿಸಿದ್ದ 2 ಬೈಕ್​ಗಳ ಕಳವು

ಮನೆ ಮುಂದೆ ನಿಲ್ಲಿಸಿದ್ದ ಬೈಕ್​ಅನ್ನು ರಾತ್ರೋರಾತ್ರಿ ಕಳ್ಳರು ಬಂದು ಕದ್ದು ಪರಾರಿಯಾಗಿರುವ ಘಟನೆ ನೆಲಮಂಗಲ ತಾಲೂಕಿನ ಡಾಬಸ್ ಪೇಟೆಯ ಗುರುಸಿದ್ದಪ್ಪ ಲೇಔಟ್​ನಲ್ಲಿ ನಡೆದಿದೆ.

ನೆಲಮಂಗಲ: ಮನೆ ಮುಂದೆ ನಿಲ್ಲಿಸಿದ್ದ ಬೈಕ್​ಅನ್ನು ರಾತ್ರೋರಾತ್ರಿ ಕಳ್ಳರು ಬಂದು ಕದ್ದು ಪರಾರಿಯಾಗಿರುವ ಘಟನೆನೆಲಮಂಗಲ ತಾಲೂಕಿನ ಡಾಬಸ್ ಪೇಟೆಯ ಗುರುಸಿದ್ದಪ್ಪ ಲೇಔಟ್​ನಲ್ಲಿ ನಡೆದಿದೆ.

ವ್ಯಾಪಾರಿಯಾಗಿರುವ ಲೋಕೇಶ್ ಬಿಸ್​ನೆಸ್ ಕಾರಣಕ್ಕಾಗಿ ತನ್ನ ಸ್ನೇಹಿತನಿಂದ ಯಮಹಾ ಬೈಕ್​​ಅನ್ನು ತೆಗೆದುಕೊಂಡಿದ್ದರು. ವ್ಯಾಪಾರ ಮುಗಿಸಿದ ಲೋಕೇಶ್ ಮನೆಯ ಪೋರ್ಟಿಕೋದಲ್ಲಿ ನಿನ್ನೆ ರಾತ್ರಿ ಬೈಕ್ ನಿಲ್ಲಿಸಿ ಮಲಗಿದ್ದರು. ಬೆಳಗೆದ್ದು ನೋಡಿದಾಗಿ ಬೈಕ್ ನಾಪತ್ತೆಯಾಗಿತ್ತು. ಯಾರೋ ಕಳ್ಳರು ಬೈಕ್ ಕದ್ದು ಪರಾರಿಯಾಗಿದ್ದಾರೆ. ಈ ಬಗ್ಗೆ ದಾಬಸ್ ಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇನ್ನು ನೆಲಮಂಗಲ ಬಳಿಯ ಭೀಮೇಶ್ವರ ಕಾಲೋನಿಯಲ್ಲಿ ಮತ್ತೊಂದು ಬೈಕ್ ಕಳ್ಳತನ ಪ್ರಕರಣ ನಡೆದಿದೆ. ಅಭಿಷೇಕ್ ಅನ್ನುವರು ಪಲ್ಸರ್ ಬೈಕ್ಅನ್ನು ರಾತ್ರಿ ಮನೆ ಮುಂದೆ ನಿಲ್ಲಿಸಿದ್ದು, ಬೆಳಗೆದ್ದು ನೋಡಿದಾಗ ಬೈಕ್ ಕಳ್ಳತನವಾಗಿತ್ತು. ಈ ಕುರಿತು ಮಾದನಾಯಕನಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.