ಬೆಂಗಳೂರಲ್ಲಿ ಸೂಟ್​​ಕೇಸ್​ ಕಂಡು ಬೆಚ್ಚಿಬಿದ್ದ ಜನ, ಅದ್ರಲ್ಲೇನಿದೆ?

ಸಾರ್ವಜನಿಕ ಸ್ಥಳದಲ್ಲಿ ಸೂಟ್​​​​ಕೇಸ್​ ಕಂಡು ಜನರು ಭಯಭೀತರಾದ ಘಟನೆ ರಾಜಧಾನಿ ಬೆಂಗಳೂರಲ್ಲಿ ನಡೆದಿದೆ.

ಬೆಂಗಳೂರು:ರಸ್ತೆ ಪಕ್ಕದಲ್ಲಿ ಕಂಡುಬಂದ ಸೂಟ್​​​​ಕೇಸ್‌ನಲ್ಲಿ​ ಬಾಂಬ್ ಇದೆ ಎಂದು ಸ್ಥಳೀಯರು ಬೆಚ್ಚಿಬಿದ್ದಿರುವ ಘಟನೆ ಸಿಲಿಕಾನ್ ಸಿಟಿಯಲ್ಲಿ ನಡೆದಿದೆ.

ಬೆಂಗಳೂರಿನ ವೆಸ್ಟ್ ಆಫ್ ಕಾರ್ಡ್ ರಸ್ತೆಯಲ್ಲಿ ಇಂದು ಸಂಜೆ ವೇಳೆ ಖಾಲಿ ಸೂಟ್ ಕೇಸ್ ಪತ್ತೆಯಾಗಿತ್ತು. ಸೂಟ್​​ಕೇಸ್​ ಕಂಡ ಜನರು ತಕ್ಷಣ ಪೊಲೀಸರಿಗೆ ಕರೆ ಮಾಡಿ ಮಾಹಿತಿ ನೀಡಿದ್ದಾರೆ. ಬಳಿಕ ಪೊಲೀಸರು ಸ್ಥಳಕ್ಕೆ ಧಾವಿಸಿ ಪರಿಶೀಲನೆ ನಡೆಸಿದಾಗ ಅದು ಖಾಲಿ ಸೂಟ್​ಕೇಸ್​​ ಎಂಬುದು ಗೊತ್ತಾಗಿದೆ. ಬಳಿಕ ಜನರು ನಿರಾಳರಾಗಿದ್ದಾರೆ.

ಶ್ವಾನ ದಳ ಹಾಗೂ ಪಶ್ಚಿಮ ವಿಭಾಗ ಡಿಸಿಪಿ ರಮೇಶ್, ಎಸಿಪಿ ಹೆಚ್.ಎನ್. ಧರ್ಮೆಂದ್ರ ಸ್ಥಳಕ್ಕೆ ಭೇಟಿ ನೀಡಿ ಸೂಟ್​ಕೇಸ್​​ ಪರಿಶೀಲನೆ ನಡೆಸಿದರು. ಇನ್ನು ಖಾಲಿ ಸೂಟ್​​​ಕೇಸ​​ನ್ನು ದುಷ್ಕರ್ಮಿಗಳು ಬಿಟ್ಟು ಹೊಗಿರುವ ಶಂಕೆ ವ್ಯಕ್ತವಾಗಿದ್ದು, ತನಿಖೆಗೆ ಪಶ್ಚಿಮ ವಿಭಾಗ ಡಿಸಿಪಿ ರಮೇಶ್ ನೇತೃತ್ವದಲ್ಲಿ ತಂಡ ರಚನೆ ಮಾಡಲಾಗಿದೆ. ಪೊಲೀಸರು ಸ್ಥಳದಲ್ಲಿನ ಸಿಸಿಟಿವಿ ದೃಶ್ಯಗಳ‌ ಪರಿಶೀಲನೆ ನಡೆಸಿ ತನಿಖೆ ಮುಂದುವರೆಸಿದ್ದಾರೆ.