ದೇವನಹಳ್ಳಿ: ಬೆಂಗಳೂರಿನಿಂದ ದೇವನಹಳ್ಳಿ ಏರ್ಪೋರ್ಟ್ ತಲುಪಲು ಅತ್ಯಂತ ಅಗ್ಗದ ಪ್ರಯಾಣ ದರ ಮತ್ತು ಟ್ರಾಫಿಕ್ ಫ್ರೀ ರೈಲು ಮಾರ್ಗ, ರೈಲ್ವೆ ಪ್ರಯಾಣವನ್ನು ಪ್ರೋತ್ಸಾಹಿಸಲು ಸಿಟಿಜನ್ಸ್ ಫಾರ್ ಸಿಟಿಜನ್ಸ್ ಸ್ವಯಂ ಸೇವಾ ಸಂಸ್ಥೆ ಏರ್ಪೋರ್ಟ್ ಯಾತ್ರೆಯನ್ನು ನಡೆಸಿತು.
ಸಿಟಿಜನ್ಸ್ ಫಾರ್ ಸಿಟಿಜನ್ಸ್ (C4C) ಸ್ವಯಂ ಸೇವಾ ಸಂಸ್ಥೆಯ 170 ಜನರು ಏರ್ಪೋರ್ಟ್ ಯಾತ್ರೆಯಲ್ಲಿ ಭಾಗವಹಿಸಿದ್ದರು. ಸಂಜೆ 4 ಗಂಟೆಗೆ ಕಂಟೋನ್ಮೆಂಟ್ ರೈಲ್ವೆ ನಿಲ್ದಾಣದಿಂದ ಮೆಮು 06538 ರೈಲಿನ ಮೂಲಕ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ರೈಲ್ವೆ ಸ್ಟೇಷನ್ ತಲುಪಿದರು. ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಅಧಿಕಾರಿಗಳು ಪ್ರಯಾಣಿಕರನ್ನು ಸ್ವಾಗತಿಸಿದರು.
ಕಂಚಿನ ಪ್ರತಿಮೆ ವೀಕ್ಷಣೆ:ಶಟಲ್ ಬಸ್ನಲ್ಲಿ ಏರ್ ಪೋರ್ಟ್ಗೆ ಪ್ರಯಾಣಿಸಿದರು. ಟರ್ಮಿನಲ್ನಲ್ಲಿ ಕೆಲಕಾಲ ವಿಶ್ರಾಂತಿ ಪಡೆದು ಪ್ರಯಾಣಿಕರು ಕೆಂಪೇಗೌಡ ಕಂಚಿನ ಪ್ರತಿಮೆ ವೀಕ್ಷಣೆ ಮಾಡಿದರು. ನಂತರ ಮೆಮು 06532 ರೈಲಿನ ಮೂಲಕ ಕಂಟೋನ್ಮೆಂಟ್ ರೈಲ್ವೆ ಸ್ಟೇಷನ್ಗೆ ವಾಪಸ್ ಆದರು.
ಮೆಮು ರೈಲುಗಳ ವಿಸ್ತರಣೆ: ಕೇವಲ 30 ರೂಪಾಯಿ ಪ್ರಯಾಣ ದರದಲ್ಲಿ ಏರ್ಪೋರ್ಟ್ ತಲುಪಬಹುದು ಮತ್ತು ಟ್ರಾಫಿಕ್ ಕಿರಿಕಿರಿ ಇಲ್ಲದ ರೈಲ್ವೆ ಮಾರ್ಗ ಇದಾಗಿದೆ. ಏರ್ಪೋರ್ಟ್ ಹೋಗುವ ಪ್ರಯಾಣಿಕರಿಗೆ ರೈಲ್ವೆ ಪ್ರಯಾಣ ಬಹಳ ಸಹಕಾರಿಯಾಗಿದೆ. ಇದೇ ಮಾರ್ಗದಲ್ಲಿ ಮತ್ತಷ್ಟು ಮೆಮು ರೈಲುಗಳ ವಿಸ್ತರಣೆ ಸಹ ಆಗಲಿವೆ.
ಓದಿ:ಡಿಜೆ ಬಗ್ಗೆ ಯಾರು ಏನೇ ಹೇಳಿರಲಿ ನಾನು ಪ್ರತಿಕ್ರಿಯೆ ನೀಡಲ್ಲ: ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ
