ನೆಲಮಂಗಲ: ಹೆದ್ದಾರಿಯಲ್ಲಿ ಸಾಗುತ್ತಿದ್ದಾಗ ಹಿಂದಿನಿಂದ ಬಂದ ವಾಹನವೊಂದು ಡಿಕ್ಕಿ ಹೊಡೆದ ಪರಿಣಾಮ ರೈತ ಸಾವನ್ನಪ್ಪಿರುವ ಘಟನೆ ಬೇಗೂರು ಬಳಿ ನಡೆದಿದೆ. ಇಂಥನ ಸಾವಿನಲ್ಲೂ ರೈತನ ನೇತ್ರದಾನ ಮಾಡುವ ಮೂಲಕ ಮೃತರ ಕುಟುಂಬ ಸಾರ್ಥಕತೆ ಮೆರೆದಿದೆ.
ನೆಲಮಂಗಲ ತಾಲೂಕಿನ ತಾಳೇಕೆರೆ ಗ್ರಾಮದ ನಿವಾಸಿ 48 ವರ್ಷದ ಮುನಿರಾಜು ಮೃತರು. ನಿನ್ನೆ ಸಂಜೆ 4 ಗಂಟೆಯ ಸಮಯದಲ್ಲಿ ಮನೆಗೆ ರೇಷನ್ ತರಲೆಂದು ಮುನಿರಾಜು ಅವರು ಟಿ.ಬೇಗೂರು ಗ್ರಾಮಕ್ಕೆ ತನ್ನ ಟಿವಿಎಸ್ ಎಕ್ಸ್ಎಲ್ ಬೈಕ್ನಲ್ಲಿ ಹೋಗುತ್ತಿರಬೇಕಾದರೆ ರಾಷ್ಟ್ರೀಯ ಹೆದ್ದಾರಿ 48 ರ ಟಿ.ಬೇಗೂರು ಬಳಿಯಲ್ಲಿ ಹಿಂದಿನಿಂದ ಬಂದ ಕೋಳಿ ಸಾಗಾಣಿಕೆ ವಾಹನವು ಏಕಾಏಕಿ ಮುನಿರಾಜುವಿಗೆ ಡಿಕ್ಕಿ ಹೊಡೆದಿದೆ.