ದೇವನಹಳ್ಳಿ: ಸ್ನೇಹಿತರ ಬಳಿ ತೆಗೆದುಕೊಂಡಿದ್ದ ಸಾಲ ತೀರಿಸಲು ವೃದ್ಧನನ್ನು ಕೊಲೆ ಮಾಡಿ, ಆತನ ಬಳಿಯಿದ್ದ ಚಿನ್ನವನ್ನು ಲಪಟಾಯಿಸಿದ್ದ ಆರೋಪಿ ಇದೀಗ ಪೊಲೀಸರ ಅತಿಥಿಯಾಗಿದ್ದಾನೆ.
ರಾಕೇಶ್ ಬಂಧಿತ ಆರೋಪಿ ಮತ್ತು ನಾಗರಾಜ್ ಮೂರ್ತಿ( 65) ಕೊಲೆಗೀಡಾದ ವೃದ್ಧ.
ದೇವನಹಳ್ಳಿಯಲ್ಲಿ ಸಾಲ ತೀರಿಸಲು ವೃದ್ಧನ ಹತ್ಯೆ: ಕುಟುಂಬಕ್ಕೆ ಸಾಂತ್ವನ ಹೇಳಿದ್ದ ಯುವಕನೇ ಕೊಲೆ ಆರೋಪಿ!
ಸ್ನೇಹಿತರ ಬಳಿ ತೆಗೆದುಕೊಂಡಿದ್ದ ಸಾಲ ತೀರಿಸಲು ಪರಿಚಯಸ್ಥ ವೃದ್ಧನನ್ನೇ ಯುವಕನೋರ್ವ ಕೊಲೆ ಮಾಡಿದ್ದಾನೆ. ದೇವನಹಳ್ಳಿಯಲ್ಲಿ ಈ ಪ್ರಕರಣ ಬೆಳಕಿಗೆ ಬಂದಿದೆ.
ವೃದ್ಧನನ್ನೇ ಕೊಲೆಗೈದ ಪಾಪಿ
ರಾಕೇಶ್ ದೇವನಹಳ್ಳಿ ಪಟ್ಟಣದ ಹೊರವಲಯದ ಖಾಸಗಿ ಬಡಾವಣೆಯಲ್ಲಿ ಕಳೆದ ಜನವರಿ 16 ರಂದು ವಾಯುವಿಹಾರಕ್ಕೆ ಬಂದಿದ್ದ ನಾಗರಾಜ ಮೂರ್ತಿಯನ್ನು ಕೊಲೆ ಮಾಡಿ ಚಿನ್ನಾಭರಣ ಕಳವು ಮಾಡಿದ್ದ. ಕೊಲೆ ಸಂಬಂಧ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. ತನಿಖೆ ವೇಳೆ ಪೊಲೀಸರು ರಾಕೇಶ್ನನ್ನು ಬಂಧಿಸಿದ್ದಾರೆ. ಈ ವೇಳೆ ತಪ್ಪೊಪ್ಪಿಕೊಂಡಿದ್ದಾನೆ ಎಂದು ತಿಳಿದುಬಂದಿದೆ.
ಘಟನೆ ವಿವರ:
ರಾಕೇಶ್ ತನ್ನ ಸ್ನೇಹಿತರ ಬಳಿ 30 ಸಾವಿರ ರೂ. ಸಾಲ ಪಡೆದಿದ್ದ. ಇದನ್ನು ಹಿಂತಿರುಗಿಸುವಂತೆ ಅವರು ಒತ್ತಡ ಹಾಕಿದಾಗ ವೃದ್ಧನ ಕೊರಳಲ್ಲಿದ್ದ ಚಿನ್ನವನ್ನು ನೋಡಿ ಎಗರಿಸಲು ಸ್ಕೆಚ್ ಹಾಕಿದ್ದಾನೆ. ನಾಗರಾಜ್ ಮೂರ್ತಿ ರಾಕೇಶ್ ಕುಟುಂಬಕ್ಕೆ ಪರಿಚಿತ. ನಾಗರಾಜ್ ವಾಯುವಿಹಾರಕ್ಕೆ ತೆರಳಿದ್ದಾಗ ಪ್ಲಾನ್ ಮಾಡಿ ಅವರನ್ನು ಕೊಲೆ ಮಾಡಿ ಚಿನ್ನ ಕಳ್ಳತನ ಮಾಡಿದ್ದಾನೆ. ವೃದ್ಧ ಕೊಲೆಯಾದ ದಿನ ಕುಟುಂಬಸ್ಥರಿಗೆಲ್ಲ ರಾಕೇಶ್ ಸಾಂತ್ವನ ಹೇಳಿದ್ದನಂತೆ. ಇದೀಗ ಆತನೇ ಕೊಲೆ ಮಾಡಿದ್ದಾನೆ ಎಂದು ತಿಳಿದು ಕುಟುಂಬಸ್ಥರು ಶಾಕ್ ಆಗಿದ್ದಾರೆ.