ಬೈಕ್​ ಮೇಲೆ ನಾಲ್ವರ ಪಯಣ; ಓವರ್​ ಟೇಕ್​ ಮಾಡಲು ಹೋಗಿ ಇಬ್ಬರ ದುರ್ಮರಣ

ಓವರ್​ ಟೇಕ್​ ಮಾಡಲು ಹೋಗಿ ಟ್ಯ್ರಾಕ್ಟರ್​ ಗಾಲಿಗೆ ಸಿಲುಕಿ ಬೈಕ್​ನಲ್ಲಿ ಚಲಿಸುತ್ತಿದ್ದ ನಾಲ್ವರಲ್ಲಿ ಇಬ್ಬರು ಮೃತಪಟ್ಟಿರುವ ಘಟನೆ ಜಿಲ್ಲೆಯ ಬೀಳಗಿ ತಾಲೂಕಿನ ಕಾತರಕಿ ಸೇತುವೆ ಬಳಿ ನಡೆದಿದೆ.

ಬಾಗಲಕೋಟೆ :ಓವರ್​ ಟೇಕ್​ ಮಾಡಲು ಹೋಗಿ ಟ್ಯ್ರಾಕ್ಟರ್​ ಗಾಲಿಗೆ ಸಿಲುಕಿ ಬೈಕ್​ನಲ್ಲಿ ಚಲಿಸುತ್ತಿದ್ದ ನಾಲ್ವರಲ್ಲಿ ಇಬ್ಬರು ಮೃತಪಟ್ಟಿರುವ ಘಟನೆ ಜಿಲ್ಲೆಯ ಬೀಳಗಿ ತಾಲೂಕಿನ ಕಾತರಕಿ ಸೇತುವೆ ಬಳಿ ನಡೆದಿದೆ.

ಹನಮಪ್ಪ ಲಕ್ಷ್ಮಪ್ಪ ನಾಯ್ಕರ(65), ರುದ್ರವ್ವ ಹನಮಪ್ಪ ನಾಯ್ಕರ್ (55) ಮೃತವ್ಯಕ್ತಿಗಳು. ಬೈಕ್​ನಲ್ಲಿ ಹೋಗುತ್ತಿದ್ದ ನಾಲ್ವರು ಟ್ಯ್ರಾಕ್ಟರ್​ನ್ನು ಓವರ್ ಟೇಕ್ ಮಾಡಿ ಹಿಂದಕ್ಕೆ ಹಾಕುವ ಸಮಯದಲ್ಲಿ ಎದುರಿನಿಂದ ಟಂ ಟಂ ವಾಹನ ಬಂದಿದೆ. ಪರಿಣಾಮ ಆಯಾ ತಪ್ಪಿ ಟ್ಯ್ರಾಕ್ಟರ್​ ಗಾಲಿಗೆ ಸಿಲುಕಿ ಇಬ್ಬರು ವ್ಯಕ್ತಿಗಳು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಇನ್ನು ಬೈಕ್​ನಲ್ಲಿದ್ದ ಲಕ್ಷ್ಮಪ್ಪ ಚಿಗರಿ ಜಾನಮಟ್ಟಿ, ಚಂದ್ರವ್ವ ಭೀಮಪ್ಪ ನಾಯ್ಕರ್ ಎಂಬುವವರು ಗಂಭೀರ ಗಾಯಗೊಂಡಿದ್ದು ಇವರನ್ನು ಜಿಲ್ಲಾ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ದಾಖಲಿಸಲಾಗಿದೆ.

ಈ ಸಂಬಂಧ ಬೀಳಗಿ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಸಲಾಗಿದೆ.