ಕೊರೊನಾ ಎಫೆಕ್ಟ್.. ಡೋಲಾಯಮಾನವಾದ ಡೆಕೋರೇಟರ್ ಕುಟುಂಬಗಳ ಬದುಕು..

ಕಳೆದ ವರ್ಷ ಹಾಗೂ ಈ ವರ್ಷ ಕೊರೊನಾ ಅಲೆಯಿಂದ ಸಭೆ- ಸಮಾರಂಭ ಇಲ್ಲದೆ, ಮದುವೆಗಳಿಗೆ ಕಡಿವಾಣ ಹಾಕಿರುವ ಹಿನ್ನೆಲೆ, ಜಿಲ್ಲೆಯಲ್ಲಿ ಸಾವಿರಾರು ಸಂಖ್ಯೆಯಲ್ಲಿ ಇಂತಹ ಉದ್ಯೋಗ ಅವಲಂಬಿಸಿದವರ ಕುಟುಂಬದವರು ತೊಂದರೆ ಪಡುವಂತಾಗಿದೆ..

ಬಾಗಲಕೋಟೆ :ಕೊರೊನಾ ಎರಡನೇ ಅಲೆಯಿಂದಾಗಿ ಮದುವೆ, ಮುಂಜಿ ಹಾಗೂ ಇತರ ಶುಭ ಸಮಾರಂಭಗಳಿಗೆ ಕಡಿವಾಣ ಹಾಕಲಾಗಿದೆ. ಇದರಿಂದ ಮದುವೆ ಸಮಾರಂಭದಲ್ಲಿ ಅಲಂಕಾರ ಮಾಡುತ್ತಿದ್ದ ಕುಟುಂಬದವರು ಈಗ ಬೀದಿಗೆ ಬಿದ್ದಿದ್ದಾರೆ.

ನಗರದ ಗಫಾರ ಹವಾಲ್ದಾರ್ ಎಂಬುವರು ಕಳೆದ 20 ವರ್ಷಗಳಿಂದಲೂ ವಿವಿಧ ಸಭೆ-ಸಮಾರಂಭಗಳಲ್ಲಿ ಅಲಂಕಾರ ಸೇರಿದಂತೆ, ಪೆಂಡಾಲ್ ಹಾಕಿ ವಾರ್ಷಿಕವಾಗಿ ಲಕ್ಷಾಂತರ ರೂಪಾಯಿಗಳ ಆದಾಯ ಪಡೆದುಕೊಳ್ಳುತ್ತಿದ್ದರು.

ಆದರೆ, ಕಳೆದ ವರ್ಷ ಹಾಗೂ ಈ ವರ್ಷ ಕೊರೊನಾ ಅಲೆಯಿಂದ ಸಭೆ- ಸಮಾರಂಭ ಇಲ್ಲದೆ, ಮದುವೆಗಳಿಗೆ ಕಡಿವಾಣ ಹಾಕಿರುವ ಹಿನ್ನೆಲೆ, ಜಿಲ್ಲೆಯಲ್ಲಿ ಸಾವಿರಾರು ಸಂಖ್ಯೆಯಲ್ಲಿ ಇಂತಹ ಉದ್ಯೋಗ ಅವಲಂಬಿಸಿದವರ ಕುಟುಂಬದವರು ತೊಂದರೆ ಪಡುವಂತಾಗಿದೆ.