ಬಾಗಲಕೋಟೆ :ಕೃಷಿ ಸಚಿವ ಬಿ.ಸಿ ಪಾಟೀಲ್ ಅವರು ತಮ್ಮ ರಾಜಕೀಯ ಜಂಜಾಟದ ಮಧ್ಯೆಯೂ 'ಗರಡಿ' ಚಿತ್ರದ ಶೂಟಿಂಗ್ನಲ್ಲಿ ಪಾಲ್ಗೊಂಡಿದ್ದಾರೆ. ಬಾದಾಮಿ ಚಾಲುಕ್ಯರ ಕಾಲದ ಸ್ಮಾರಕಗಳ ಮುಂದೆ ಚಿತ್ರದ ಕೆಲ ದೃಶ್ಯಗಳನ್ನು ಸೆರೆ ಹಿಡಿಯಲಾಗುತ್ತಿದೆ.
ಬಾದಾಮಿಯಲ್ಲಿ ಗರಡಿ ಸಿನಿಮಾದ ಚಿತ್ರೀಕರಣದಲ್ಲಿ ಪಾಲ್ಗೊಂಡಿರುವ ಸಚಿವ ಬಿ ಸಿ ಪಾಟೀಲ್..
ಸೌಮ್ಯ ಫಿಲ್ಮಂ‌ಸ್ ಲಾಂಛನದಲ್ಲಿ ಮೂಡಿ ಬರುತ್ತಿರುವ ಗರಡಿ ಚಿತ್ರದಲ್ಲಿ, ನಟ ಸೂರಿ ಹಾಗೂ ನಟಿ ಸೋನಾಲ್ ನಟಿಸಲಿದ್ದಾರೆ. ಬಾದಾಮಿಯ ಮೇಣ ಬಸದಿ ಸುತ್ತಮುತ್ತಲಿನ ಪ್ರದೇಶ ಸೇರಿ ಭೂತನಾಥ ದೇಗುಲದ ಬಳಿ ಕೆಲ ದೃಶ್ಯ ಸೆರೆ ಹಿಡಿಯಲಾಗಿದೆ.
ಗುಹಾಲಯದ ಬಳಿ ಇಂದು ಕೆಲ ದ್ರಶ್ಯ ಸೆರೆ ಹಿಡಿಯಲಾಗಿದೆ. ಬಾದಾಮಿಯಲ್ಲಿ ಒಂದು ವಾರಗಳ ಕಾಲ ಚಿತ್ರೀಕರಣ ನಡೆಯಲಿದೆ. ಗರಡಿ ಮನೆ ಹಾಗೂ ಕುಸ್ತಿ ಪೈಲ್ವಾನ್ಗಳ ಜೀವನಾಧಾರಿತ ಪ್ರೇಮ ಕತೆಯನ್ನು ಈ ಚಿತ್ರ ಹೊಂದಿದೆ. ಚಿತ್ರದಲ್ಲಿ ಸಚಿವ ಬಿ.ಸಿ ಪಾಟೀಲ್ ಯಜಮಾನನ ಪಾತ್ರ ಮಾಡಲಿದ್ದಾರೆ.