ಬಾಗಲಕೋಟೆ: ಸೋಂಕಿನಿಂದ ಮೃತಪಟ್ಟ ವೃದ್ಧನ ಪತ್ನಿ-ಸಹೋದರನ ಪ್ರಥಮ ವರದಿ ನೆಗೆಟಿವ್

ಬಾಗಲಕೋಟೆ ನಗರದ ಹಳಪೇಟ ಮಡು ಏರಿಯಾದಲ್ಲಿ ಮೃತಪಟ್ಟಿದ್ದ ಕೊರೊನಾ ಸೋಂಕಿತ ವೃದ್ಧನ ಪತ್ನಿ ಹಾಗೂ ಸಹೋದರನ ಪ್ರಥಮ ವರದಿ ನೆಗೆಟಿವ್​ ಬಂದಿದ್ದು,ಇವರ ದ್ವಿತೀಯ ವರದಿ ಬಂದ ಬಳಿಕ ಕೋವಿಡ್​ 19 ಆಸ್ಪತ್ರೆಯಿಂದ ಬಿಡುಗಡೆ ಆಗಲಿದ್ದಾರೆ.

ಬಾಗಲಕೋಟೆ:ಜಿಲ್ಲೆಯಲ್ಲಿ ಮೃತಪಟ್ಟಿದ್ದ ಕೊರೊನಾ ಸೋಂಕಿತ ವೃದ್ಧನ ಪತ್ನಿ ಹಾಗೂ ಸಹೋದರನ ಪ್ರಥಮ ವರದಿ ನೆಗೆಟಿವ್​ ಬಂದಿದೆ.

ನಗರದ ಹಳಪೇಟ ಮಡು ಏರಿಯಾದ 76 ವರ್ಷದ ವೃದ್ಧನಿಗೆ ಮಾರ್ಚ್​ 30 ಕೊರೊನಾ ದೃಢಪಟ್ಟಿತ್ತು. ಏಪ್ರಿಲ್​ 3ರಂದು ಆತ ಮೃತಪಟ್ಟಿದ್ದ. ಬಳಿಕ ಆತನ ಮನೆಯ ಸದಸ್ಯರೆಲ್ಲರನ್ನೂ ತಪಾಸಣೆ ಮಾಡಿದಾಗ ವೃದ್ಧನ ಪತ್ನಿ ಪಿ-162 ಹಾಗೂ ಆತನ ಸಹೋದರ ಪಿ-161 ಗೆ ಸೋಂಕು ತಗಲಿರುವುದು ಏಪ್ರಿಲ್​ 6 ರಂದು ದೃಢಪಟ್ಟಿತ್ತು. ಹೀಗಾಗಿ ಅವರನ್ನ 14 ದಿನಗಳ ಕಾಲ ಕ್ವಾರಂಟೈನ್​ನಲ್ಲಿಟ್ಟು ಚಿಕಿತ್ಸೆ ನೀಡಲಾಗಿತ್ತು.

14 ದಿನಗಳು ಬಳಿಕ ಮತ್ತೊಮ್ಮೆ ಅವರ ಗಂಟಲು ದ್ರವ ತಪಾಸಣೆಗೆ ಕಳುಹಿಸಲಾಗಿದ್ದು,ಇದೀಗ ಅವರ ಪ್ರಥಮ ವರದಿ ನೆಗೆಟಿವ್​ ಬಂದಿದೆ. ಇವರ ದ್ವಿತೀಯ ವರದಿ ಬಂದ ಬಳಿಕ ಕೋವಿಡ್​ 19 ಆಸ್ಪತ್ರೆಯಿಂದ ಬಿಡುಗಡೆ ಆಗಲಿದ್ದಾರೆ ಎಂದು ಆರೋಗ್ಯ ಇಲಾಖೆಯ ಜಿಲ್ಲಾಮಟ್ಟದ ಅಧಿಕಾರಿ ಅನಂತ್​ಕುಮಾರ್​ ದೇಸಾಯಿ ತಿಳಿಸಿದ್ದಾರೆ.