ಬಾಗಲಕೋಟೆ : ಕೊರೊನಾ ಮುಕ್ತವಾಗಿದ್ದರೂ ನಾಟಕ ಕಲಾವಿದರ ಜೀವನ ಮಾತ್ರ ಸಂಕಷ್ಟದಿಂದ ಮುಕ್ತವಾಗುತ್ತಿಲ್ಲ. ವೈರಸ್ ಭಯದಿಂದ ಕಳೆದ ಎರಡು ವರ್ಷದಲ್ಲಿ ಸರಿಯಾಗಿ ನಾಟಕ ಕಂಪನಿಗಳು ನಡೆಯದೆ ಕಲಾವಿದರ ಜೀವನ ದುಸ್ಥರವಾಗಿದೆ.
ಸಂಕಷ್ಟಕ್ಕೆ ಸಿಲುಕಿದ ಕಲಾವಿದರ ಬದುಕು
ಈಗ ನಾಟಕ ಪ್ರದರ್ಶನಕ್ಕೆ ಅನುಕೂಲ ಮಾಡಿಕೊಡಲಾಗಿದೆ. ಆದರೆ, ಹೆಚ್ಚಿನ ಸಂಖ್ಯೆಯಲ್ಲಿ ಪೇಕ್ಷಕರು ಬರುತ್ತಿಲ್ಲ ಎಂಬ ಕೊರಗು ಇದೆ. ಇದರ ಜೊತೆಗೆ ವಯಸ್ಸಾದ ಹಿರಿಯ ಕಲಾವಿದರಿಗೆ ಮಾಶಾಸನ ಇಲ್ಲದೆ ಪರದಾಡುವಂತಾಗಿದೆ.
ಬಾಗಲಕೋಟೆ ನಗರದಲ್ಲಿ ಪ್ರೇಮಾ ಗುಳೇದಗುಡ್ಡ ಎಂಬ ಹಿರಿಯ ಕಲಾವಿದೆ ಆಶಾಪೂರ ನಾಟಕ ಕಂಪನಿ ಮೂಲಕ ನಾಟಕ ಪ್ರದರ್ಶನ ನಡೆಸಿದ್ದಾರೆ. ಆದರೆ, ಇವರ ಕಂಪನಿಯಲ್ಲಿ ಸಾಕಷ್ಟು ಕಲಾವಿದರು ವಯಸ್ಸಾಗಿದ್ದವರು ಇದ್ದಾರೆ. ಕೊರೊನಾದಿಂದ ಎರಡು ವರ್ಷ ಸರಿಯಾಗಿ ನಾಟಕ ಪ್ರದರ್ಶನ ಆಗದೇ, ಆದಾಯ ಇಲ್ಲದೆ ಪರದಾಡುವಂತಾಗಿದೆ.