ಕೋವಿಡ್ ಮೊಬೈಲ್ ಕ್ಲಿನಿಕ್ ಆಗಿ ಪರಿವರ್ತನೆಯಾದ ಕೆಎಸ್​ಆರ್​ಟಿಸಿ ಬಸ್

ಕೆಎಸ್​ಆರ್​ಟಿಸಿ ಬಸ್ ಕೋವಿಡ್ ಮೊಬೈಲ್ ಫಿವರ್ ಕ್ಲಿನಿಕ್ ಆಗಿ ಬದಲಾವಣೆಯಾಗಿದ್ದು, ಕಂಟೈನ್‌ಮೆಂಟ್ ಹಾಗೂ ಬಫರ್ ಜೋನ್​ನ ಜನರ ತಪಾಸಣೆಗೆ ಈ ಬಸ್ ಬಳಕೆಯಾಗಲಿದೆ.

ಬಾಗಲಕೋಟೆ:ಜಿಲ್ಲೆಯಲ್ಲಿ ಕೊರೊನಾ ಪಾಸಿಟಿವ್ ಪ್ರಕರಣ ಸಂಖ್ಯೆ ಏರಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಬಾಗಲಕೋಟೆಯಲ್ಲಿ ಕೊವಿಡ್ ಮೊಬೈಲ್ ಕ್ಲಿನಿಕ್ ತೆರೆಯಲಾಗಿದೆ.

ಕೆಎಸ್​ಆರ್​ಟಿಸಿ ಎಮ್​ಡಿ ಶಿವಯೋಗಿ ಕಳಸದ ಕೋವಿಡ್‌ ಮೊಬೈಲ್ ಫಿವರ್ ಕ್ಲಿನಿಕ್​ಗೆ ಚಾಲನೆ ನೀಡಿದರು. ಕೆಎಸ್​ಆರ್​ಟಿಸಿ ಬಸ್ ಕೋವಿಡ್ ಮೊಬೈಲ್ ಫಿವರ್ ಕ್ಲಿನಿಕ್ ಆಗಿ ಬದಲಾವಣೆಯಾಗಿದ್ದು, ಬಾಗಲಕೋಟೆ ಡಿಸಿ ಕಚೇರಿ ಎದುರು ಕ್ಲಿನಿಕ್​ಗೆ ಚಾಲನೆ ನೀಡಿದ ಬಳಿಕ ಶಿವಯೋಗಿ ಕಳಸದ ಸ್ಕ್ರೀನಿಂಗ್ ಮಾಡಿಸಿಕೊಂಡರು.‌

ಕಂಟೈನ್‌ಮೆಂಟ್ ಹಾಗೂ ಬಫರ್ ಜೋನ್​ನ ಜನರ ತಪಾಸಣೆಗೆ ಈ ಬಸ್ ಬಳಕೆಯಾಗಲಿದೆ. ಇದೇ ಬಸ್​ನಲ್ಲೇ ಸ್ಕ್ರೀನಿಂಗ್, ಮಾತ್ರೆ, ಔಷಧ ಸೌಲಭ್ಯ ದೊರೆಯಲಿವೆ. ಬಸ್​ನಲ್ಲಿ ಒಂದು ಬೆಡ್ ಇದ್ದು, ಇಬ್ಬರು ವೈದ್ಯಕೀಯ ಸಿಬ್ಬಂದಿಗೆ ಆಸನ ವ್ಯವಸ್ಥೆ ಮಾಡಲಾಗಿದೆ.

ಚಾಲನೆ ಕಾರ್ಯಕ್ರಮದ ವೇಳೆ ಬಾಗಲಕೋಟೆ ಡಿಸಿ ಕ್ಯಾಪ್ಟನ್ ರಾಜೇಂದ್ರ, ಸಿಇಓ ಗಂಗೂಬಾಯಿ ಮಾನಕರ್, ಜಿಲ್ಲಾ ಆರೋಗ್ಯಾಧಿಕಾರಿ ಅನಂತ ದೇಸಾಯಿ, ಜಿಲ್ಲಾಸ್ಪತ್ರೆ ಸರ್ಜನ್ ಪ್ರಕಾಶ್ ಬಿರಾದಾರ ಇದ್ದರು.