ಬಾಗಲಕೋಟೆ ಕೊರೊನಾ ಕೆಂಪು ವಲಯ: ಸ್ತಬ್ಧವಾದ ಮುಳುಗಡೆ ನಗರಿಯ ಡ್ರೋಣ್ ದೃಶ್ಯ

ಕೊರೊನಾ ಭೀತಿಯಿಂದ ಬಾಗಲಕೋಟೆಯಲ್ಲಿ ಕೆಲ ಪ್ರದೇಶಗಳನ್ನು ಸೀಲ್​ಡೌನ್​ ಮಾಡಲಾಗಿದ್ದು, ನಗರ ಸ್ತಬ್ಧವಾಗಿರುವ ದೃಶ್ಯ ಡ್ರೋಣ್ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಬಾಗಲಕೋಟೆ: ಮುಳುಗಡೆ ನಗರ ಬಾಗಲಕೋಟೆಯಲ್ಲಿ ಕೊರೊನಾ ಪ್ರಭಾವ ಹೆಚ್ಚಾಗಿರುವ ಪರಿಣಾಮ ಕೆಂಪು ವಲಯ ಎಂದು ಘೋಷಣೆ ಮಾಡಲಾಗಿದೆ. ಪರಿಣಾಮ, ಬಸವೇಶ್ವರ ವೃತ್ತದಿಂದ ಪ್ರಮುಖ ಎಂ.ಜಿ.ರಸ್ತೆ, ವಲ್ಲಭಭಾಯಿ ವೃತ್ತ, ಅಡತ್ ಬಜಾರ, ಬಸವೇಶ್ವರ ಕಾಲೇಜ್ ರಸ್ತೆ, ಬಸ್ ನಿಲ್ದಾಣ ಸೇರಿದಂತೆ ರೋಟರಿ ಸರ್ಕಲ್​ವರೆಗೆ ಸಂಪೂರ್ಣ ನಗರ ಸ್ತಬ್ಧವಾಗಿದೆ.

ನಿಷೇಧಿತ ಪ್ರದೇಶ ಎಂದು ಜಿಲ್ಲಾಡಳಿತ ಘೋಷಿಸಿದ ಹಿನ್ನೆಲೆಯಲ್ಲಿ ಜನಜಂಗುಳಿಯಿಂದ ಇರುತ್ತಿದ್ದ ಕೆಲ ಪ್ರದೇಶದಲ್ಲಿ, ವ್ಯಾಪಾರ ವಹಿವಾಟು ನಡೆಯುತ್ತಿಲ್ಲ. ಹೀಗಾಗಿ ವೈರಸ್ ಹರಡುವಿಕೆ ಭೀತಿಯಿಂದ ಇಡೀ ಹಳೆ ನಗರ ಭಣಗುಟ್ಟುತ್ತಿದೆ.

ಪೊಲೀಸ್ ಇಲಾಖೆ ವತಿಯಿಂದ ಸೀಲ್​ಡೌನ್ ಆಗಿರುವ ಪ್ರದೇಶವನ್ನು ಡ್ರೋಣ್​ ಕ್ಯಾಮರಾದಿಂದ ಸೆರೆ ಹಿಡಿಯಲಾಗಿದೆ.