ಅಹ್ಮದಾಬಾದ್: ಪ್ರೊ ಕಬಡ್ಡಿ ಲೀಗ್ನ ಅಹ್ಮದಾಬಾದ್ ಚರಣದಲ್ಲಿ ತಮಿಳ್‌ ತಲೈವಾಸ್ ತಂಡ ಗುಜರಾತ್ ಫಾರ್ಚೂನ್‌ ಜೈಂಟ್ಸ್‌ನ್ನು 34-28 ಅಂಕಗಳಿಂದ ಮಣಿಸಿದೆ. ಎರಡನೇ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ 32-30 ಅಂತರದಿಂದ ಪುಣೇರಿಗೆ ಸೋಲುಣಿಸಿತು.
ಮೊದಲ ಪಂದ್ಯದಲ್ಲಿ ತಲೈವಾಸ್ ಸ್ಟಾರ್ ರೈಡರ್‌ ಅಜಯ್ ಠಾಕೂರ್ (9) ರಾಹುಲ್‌ ಚೌಧರಿ (4) ಅತ್ಯುತ್ತಮ ರೈಡಿಂಗ್ ಹಾಗೂ ಮೋಹಿತ್ ಚಿಲ್ಲಾರ್‌ (5 ಅಂಕ) ಮಂಜೀತ್ ಚಿಲ್ಲಾರ್‌ (4 ಅಂಕ) ಉತ್ತಮ ಟ್ಯಾಕಲ್‌ ನೆರವಿನಿಂದ 34-28 ರಲ್ಲಿ ಗುಜರಾತ್ಗೆ ಸೋಲುಣಿಸಿತು.
ಗುಜರಾತ್ ರೈಡರ್‌ ರೋಹಿತ್‌ ಗುಲಿಯಾ (9), ಸುನೀಲ್‌ ಕುಮಾರ್ (6 ) ಮತ್ತು ಸಚಿನ್‌ (5) ಗುಜರಾತ್ ಗೆಲುವಿಗಾಗಿ ಹೋರಾಟ ಮಾಡಿದರೂ ತಲೈವಾಸ್ ಕೌಶಲ್ಯದ ಮುಂದೆ ಸೋಲೊಪ್ಪಿಕೊಳ್ಳಬೇಕಾಯಿತು.