ನವದೆಹಲಿ: ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಚಿನ್ನದ ಪದಕ ಗೆದ್ದಿದ್ದ ನೀರಜ್ ಚೋಪ್ರಾ ಇಂದು ಪ್ಯಾರಾಲಿಂಪಿಕ್ಸ್ನಲ್ಲಿ ಬೆಳ್ಳಿ ಪದಕ ಗೆದ್ದ ಪ್ಯಾರಾ ಜಾವಲಿನ್ ಥ್ರೋವರ್ ದೇವೇಂದ್ರ ಜಜಾರಿಯಾ ಅವರಿಗೆ ಅಭಿನಂದನೆ ಸಲ್ಲಿಸಿದ್ದು, ನೀವು ನಮಗೆ ಸ್ಪೂರ್ತಿ ಎಂದು ಹೇಳಿದ್ದಾರೆ.
ಸೋಮವಾರ ನಡೆದ ಪುರುಷರ ಎಫ್46 ಜಾವಲಿನ್ ಥ್ರೋ ಫೈನಲ್ಸ್ನಲ್ಲಿ ದೇವೇಂದ್ರ ಜಜಾರಿಯಾ ಬೆಳ್ಳಿ ಗೆದ್ದರೆ ಮತ್ತೊಬ್ಬ ಭಾರತೀಯ ಸುಂದರ್ ಸಿಂಗ್ ಗುರ್ಜಾರ್ ಕಂಚಿನ ಪದಕ ಪಡೆದಿದ್ದಾರೆ.
ದೇವೇಂದ್ರ ಸಾಹೇಬರೆ, ನಮಗೆ ನೀವು ಅತ್ಯುತ್ತಮ ಪ್ರೇರಣೆಯಾಗಿದ್ದೀರಿ. ನಿಮ್ಮ ಪ್ಯಾರಾಲಿಂಪಿಕ್ಸ್ನ 3ನೇ ಪದಕಕ್ಕೆ ಅಭಿನಂದನೆಗಳು. ಕಂಚು ಗೆದ್ದಿರುವ ಸುಂದರ್ ಅವರಿಗೂ ಅಭಿನಂದನೆಗಳು ಭಾಯ್ ಎಂದು ನೀರಜ್ ಚೋಪ್ರಾ ಟ್ವೀಟ್ ಮೂಲಕ ಪ್ಯಾರಾ ಅಥ್ಲೀಟ್ಗಳ ಸಾಧನೆಯನ್ನು ಕೊಂಡಾಡಿದ್ದಾರೆ.
ಜಜಾರಿಯಾ 64.35 ಮೀಟರ್ ಎಸೆದು ಪ್ಯಾರಾಲಿಂಪಿಕ್ಸ್ನಲ್ಲಿ 3ನೇ ಪದಕ ಪಡೆದರು. 2004 ಮತ್ತು 2016 ರ ಪ್ಯಾರಾಲಿಂಪಿಕ್ಸ್ಗಳಲ್ಲಿ ಚಿನ್ನದ ಪದಕ ಪಡೆದಿದ್ದರು. ಸುಂದರ್ 62.58 ಮೀಟರ್ ಎಸೆದು ಕಂಚು ಪಡೆದರು.
