ಸೌತ್​ ಆಫ್ರಿಕಾ ವಿರುದ್ಧ ಗೆದ್ದ ಭಾರತ ಮಹಿಳಾ ಹಾಕಿ ತಂಡ.. ಕ್ವಾರ್ಟರ್​​ಫೈನಲ್​ ಆಸೆ ಜೀವಂತ!

ಒಲಿಂಪಿಕ್ಸ್​ ಹಾಕಿಯಲ್ಲಿ ಸೌತ್​ ಆಫ್ರಿಕಾ ವಿರುದ್ಧ ಗೆದ್ದ ಭಾರತ ಮಹಿಳಾ ಹಾಕಿ ತಂಡದ ಕ್ವಾರ್ಟರ್​ ಫೈನಲ್​ ಎಂಟ್ರಿ ಆಸೆ ಜೀವಂತವಾಗಿದೆ.

ಟೋಕಿಯೋ:ಇಂದು ನಡೆದ ಒಲಿಂಪಿಕ್ಸ್​ ಹಾಕಿಯಲ್ಲಿ ಭಾರತ ಮತ್ತು ಸೌತ್​ ಆಫ್ರಿಕಾ ನಡುವಿನ ಪಂದ್ಯ ರೋಚಕತೆಯಿಂದ ಕೂಡಿತ್ತು. ಭಾರತದ ಮಹಿಳಾ ಹಾಕಿ ತಂಡ ಉತ್ತಮವಾಗಿ ಪ್ರದರ್ಶನ ನೀಡುವುದರ ಮೂಲಕ ಸೌತ್​ ಆಫ್ರಿಕಾ ವಿರುದ್ಧ 4-3 ಅಂತರಿಂದ ಭರ್ಜರಿ ಜಯ ಸಾಧಿಸಿತು.

ಗ್ರೂಪ್​ ‘ಎ’ ವಿಭಾಗದಲ್ಲಿ ಭಾರತಕ್ಕೆ ಇದು ಎರಡನೇ ಜಯವಾಗಿದೆ. ಮೊದಲಾರ್ಧದಲ್ಲಿ ಭಾರತ ಮತ್ತು ಐರ್ಲೆಂಡ್​ ತಂಡ 2-2 ಗೋಲ್​ಗಳನ್ನು ಪಡೆದು ಆಟ ಮುಂದುವರೆಸಿದ್ದವು. ಬಳಿಕ ಆಟ ರೋಚಕತೆಯಿಂದ ಕೂಡಿತ್ತು. ಭಾರತ ಮತ್ತು ಸೌತ್​ ಆಫ್ರಿಕಾ ತಂಡ 3-3 ಗೋಲ್​ಗಳನ್ನು ಗಳಿಸಿ ಮುನ್ನಡೆಯುತ್ತಿದ್ದವು. ಕೊನೆಯ ಕ್ಷಣದಲ್ಲಿ ಭಾರತದ ಪರವಾಗಿ ಕಟಾರಿಯಾ​ ಗೋಲು​ ಬಾರಿಸಿದರು. ಈ ಮೂಲಕ ಭಾರತ ತಂಡ 4-3 ರಿಂದ ಮುನ್ನಡೆ ಪಡೆಯಿತು. ಅಂತಿಮವಾಗಿ ಭಾರಿ ಒತ್ತಡದಲ್ಲಿದ್ದ ಭಾರತ ತಂಡ ಸೌತ್​ ಆಫ್ರಿಕಾ ವಿರುದ್ಧ 4-3 ಮೂಲಕ ರೋಚಕ ಜಯ ಸಾಧಿಸಿತು.

ಭಾರತದ ಪರ ವಂದನಾ ಕಟಾರಿಯಾ ಮೂರು ಗೋಲ್​ಗಳು ಮತ್ತು ನೇಹಾ ಒಂದು ಗೋಲ್​ ಬಾರಿಸುವ ಮೂಲಕ ತಂಡದ ಗೆಲುವಿಗೆ ಕಾರಣರಾದರು. ಸೌತ್​ ಆಫ್ರಿಕಾ ಪರ ಹಂಟರ್​, ಮಾರಿಯಾಸ್​, ಗ್ಲ್ಯಾಸ್ಬಿ ತಲಾ ಒಂದೊಂದು ಗೋಲ್​ ಬಾರಿಸುವ ಮೂಲಕ ಭಾರತದ ವನಿತೆಯರಿಗೆ ಕಠಿಣ ಸವಾಲು ನೀಡಿದರು.

ಮುಂದಿನ ಪಂದ್ಯದಲ್ಲಿ ಐರ್ಲೆಂಡ್​ ಬಲಿಷ್ಠ ಗ್ರೇಟ್​ ಬ್ರಿಟನ್​ ವಿರುದ್ಧ ಅದೃಷ್ಟ ಪರೀಕ್ಷಿಸಲಿದೆ. ಒಂದು ವೇಳೆ ಗ್ರೇಟ್​ ಬ್ರಿಟನ್​ ವಿರುದ್ಧ ಐರ್ಲೆಂಡ್​ ಸೋತರೇ ಭಾರತ 'ಎ' ಗುಂಪಿನಲ್ಲಿ 4ನೇ ಸ್ಥಾನದಲ್ಲಿ ಕ್ವಾರ್ಟರ್​​ಫೈನಲ್​​ ಪ್ರವೇಶಿಸಲಿದೆ.