ಟೋಕಿಯೋ(ಜಪಾನ್):ಭಾರತೀಯ ಪ್ಯಾರಾ ಶೂಟರ್ ರುಬೀನಾ ಫ್ರಾನ್ಸಿಸ್ ಟೋಕಿಯೋದಲ್ಲಿ ನಡೆಯುತ್ತಿರುವ ಪ್ಯಾರಾಲಿಂಪಿಕ್ಸ್ 10 ಮೀಟರ್ ಏರ್ ಪಿಸ್ತೂಲ್ ಎಸ್ಹೆಚ್1 ಮಹಿಳೆಯರ ವಿಭಾಗದಲ್ಲಿ ಫೈನಲ್ಗೆ ಲಗ್ಗೆಯಿಟ್ಟಿದ್ದಾರೆ.
ಆರಂಭದಿಂದಲೇ ಉತ್ತಮ ಪ್ರದರ್ಶನ ತೋರಿದ ರುಬೀನಾ 560 ಪಾಯಿಂಟ್ಗಳೊಂದಿಗೆ ಪೂರ್ಣಗೊಳಿಸುವ ಮೂಲಕ 7 ಸ್ಥಾನ ಪಡೆಯುವ ಮೂಲಕ ಫೈನಲ್ ಪ್ರವೇಶ ಪಡೆದಿದ್ದಾರೆ. ಮೊದಲ ಸಿರೀಸ್ನ ಅಂತ್ಯಕ್ಕೆ 91 ಪಾಯಿಂಟ್‌ಗಳಿಸಿದ್ದ ರುಬೀನಾ 19 ಸ್ಥಾನ ಪಡೆದಿದ್ದರು.
ನಂತರ 187 ಅಂಕ ಗಳಿಸಿ, 6ನೇ ಸ್ಥಾನ ಪಡೆದಿದ್ದ ಅವರು, ಮತ್ತೊಂದು ಸುತ್ತಿನಲ್ಲಿ 282 ಪಾಯಿಂಟ್ ಪಡೆಯುವುದರೊಂದಿಗೆ 3 ಸ್ಥಾನಕ್ಕೂ ಜಿಗಿದಿದ್ದರು. ಆದರೆ ಮುಂದಿನ ಸುತ್ತುಗಳಲ್ಲಿ 9.4 ಪಾಯಿಂಟ್ಗಳಷ್ಟಿದ್ದ ಸರಾಸರಿ 9.35ಕ್ಕೆ ಇಳಿಕೆ ಕಂಡು ಕೊನೆಗೆ ಏಳನೇ ಸ್ಥಾನಕ್ಕೆ ತೃಪ್ತಿ ಪಡಬೇಕಾಯಿತು.
ರುಬೀನಾ ಫ್ರಾನ್ಸಿನ್ ಈಗ ಫೈನಲ್ ಪ್ರವೇಶ ಪಡೆದಿದ್ದು, ಇಂದೇ ಫೈನಲ್ ಪಂದ್ಯ ನಡೆಯಲಿದೆ. ಈ ಸಿರೀಸ್ನಲ್ಲಿ ರುಬೀನಾ ಪದಕ ಗೆಲುತ್ತಾರೆಯೇ ಎಂಬುದನ್ನು ಕಾದುನೋಡಬೇಕಿದೆ.
ಇದನ್ನೂ ಓದಿ:ಪ್ಯಾರಾಲಿಂಪಿಕ್ಸ್ 'ಚಿನ್ನ' ಅವಿನ ಲೇಖಾರಾಗೆ ಆನಂದ್ ಮಹೀಂದ್ರಾ ಭರ್ಜರಿ ಗಿಫ್ಟ್