Tokyo Olympics Swimming: ಕನ್ನಡಿಗ ಶ್ರೀಹರಿ ನಟರಾಜ್, ಮನಾ ಪಟೇಲ್ ಅಭಿಯಾನ ಅಂತ್ಯ

ಮಹಿಳೆಯರ 100 ಮೀಟರ್​ ಬ್ಯಾಕ್​ಸ್ಟ್ರೋಕ್​ನಲ್ಲಿ 21 ವರ್ಷದ ಮನಾ ಪಟೇಲ್ ತಮ್ಮ ಹೀಟ್​ನಲ್ಲಿ 2ನೇಯವರಾಗಿ ತಲುಪಿದರೂ, ಅದಕ್ಕೆ 1 ನಿಮಿಷ 5.2 ಸೆಕೆಂಡ್​ ತೆಗೆದುಕೊಂಡರು. ಈ ಪ್ರದರ್ಶನದಲ್ಲಿ ಅವರು ಟಾಪ್ 16ಕ್ಕೆ ಕೊಂಡೊಯ್ಯಲು ಸಾಧ್ಯವಾಗಲಿಲ್ಲ. ಒಟ್ಟಾರೆ 6 ಹೀಟ್ಸ್​ಗಳಲ್ಲಿ ಅವರು 39ನೇ ಸ್ಥಾನ ಪಡೆದರು.

ಟೋಕಿಯೋ: ಭಾರತದ ಈಜುಪಟು ಹಾಗೂ ಕನ್ನಡಿಗ ಶ್ರೀಹರಿ ನಟರಾಜ್ ಅವರ ಟೋಕಿಯೋ ಒಲಿಂಪಿಕ್ಸ್​ ಅಭಿಯಾನ ಇಂದಿಗೆ ಮುಗಿದಿದೆ. 100 ಮೀಟರ್​ ಬ್ಯಾಕ್​ಸ್ಟ್ರೋಕ್​ನ ಮೊದಲ ಹೀಟ್​ನಲ್ಲಿ 6ನೇ ಸ್ಥಾನ ಪಡೆಯುವುದರೊಂದಿಗೆ ಮುಂದಿನ ಸುತ್ತಿಗೆ ತೇರ್ಗಡೆಯಾಗುವಲ್ಲಿ ಅವರು ವಿಫಲರಾದರು.

20 ವರ್ಷದ ಕರ್ನಾಟಕ ಈಜುಗಾರ 100 ಮೀಟರ್ ಬ್ಯಾಕ್​ಸ್ಟ್ರೋಕ್​ನಲ್ಲಿ 54.31 ಸೆಕೆಂಡ್​ಗಳಲ್ಲಿ ತಲುಪಿದರು. ಹೀಟ್ಸ್​ನಲ್ಲಿ 6ನೇ ಸ್ಥಾನ ಪಡೆದರೆ, ಒಟ್ಟಾರೆ 40 ಈಜುಪಟುಗಳಲ್ಲಿ 27ನೇ ಸ್ಥಾನ ಪಡೆದರು. ಸೆಮಿಫೈನಲ್​ ಪ್ರವೇಶಿಸಲು ಟಾಪ್​ 16 ಈಜುಗಾರರಿಗೆ ಮಾತ್ರ ಅವಕಾಶವಿದೆ.

ಶ್ರೀಹರಿ ಇಟಲಿಯಲ್ಲಿ ನಡೆದಿದ್ದ ಸೆಟ್​ ಕೊಲ್ಲಿ ಟ್ರೋಪಿಯಲ್ಲಿ ಇದೇ ದೂರವನ್ನು 53.77 ಸೆಕೆಂಡ್​ಗಳಲ್ಲಿ ಕ್ರಮಿಸಿದ್ದರು. ಅಷ್ಟು ಸಮಯಲ್ಲಿ ಟೋಕಿಯೋದಲ್ಲಿ ತಲುಪಿದ್ದರೆ ಸೆಮಿಫೈನಲ್​ಗೆ ಅರ್ಹತೆ ಪಡೆಯಬಹುದಿತ್ತು.

ಮಹಿಳೆಯರ 100 ಮೀ: ಮನಾ ಪಟೇಲ್​ಗೆ 39ನೇ ಸ್ಥಾನ

ಮಹಿಳೆಯರ 100 ಮೀಟರ್​ ಬ್ಯಾಕ್​ಸ್ಟ್ರೋಕ್​ನಲ್ಲಿ 21 ವರ್ಷದ ಮನಾ ಪಟೇಲ್ ತಮ್ಮ ಹೀಟ್​ನಲ್ಲಿ 2ನೇಯವರಾಗಿ ತಲುಪಿದರೂ, ಅದಕ್ಕೆ 1 ನಿಮಿಷ 5.2 ಸೆಕೆಂಡ್​ ತೆಗೆದುಕೊಂಡರು. ಈ ಪ್ರದರ್ಶನದಲ್ಲಿ ಅವರು ಟಾಪ್ 16ಕ್ಕೆ ಕೊಂಡೊಯ್ಯಲು ಸಾಧ್ಯವಾಗಲಿಲ್ಲ. ಒಟ್ಟಾರೆ 6 ಹೀಟ್ಸ್​ಗಳಲ್ಲಿ ಅವರು 39ನೇ ಸ್ಥಾನ ಪಡೆದರು.

ಇದನ್ನೂ ಓದಿ: Tokyo Olympics: ಟೇಬಲ್ ಟೆನ್ನಿಸ್‌ನಲ್ಲಿ 3ನೇ ಸುತ್ತು ಪ್ರವೇಶಿಸಿದ ಭಾರತದ ಮನಿಕಾ ಬಾತ್ರಾ