ಟೋಕಿಯೋ ಒಲಿಂಪಿಕ್ಸ್ ಜುಲೈ 28ರ ವೇಳಾಪಟ್ಟಿ: ಈ ಎಲ್ಲ ಸ್ಪರ್ಧೆಗಳಲ್ಲಿ ನಮ್ಮ ಅಥ್ಲೀಟ್ಸ್​ ಸ್ಪರ್ಧೆ

ಟೋಕಿಯೋ ಒಲಿಂಪಿಕ್ಸ್​​ನಲ್ಲಿ ಭಾರತೀಯ ಕ್ರೀಡಾಪಟುಗಳು ನಾಳೆ ಕೂಡ ಅನೇಕ ಸ್ಪರ್ಧೆಗಳಲ್ಲಿ ಭಾಗಿಯಾಗಲಿದ್ದಾರೆ.

ಟೋಕಿಯೋ: ಒಲಿಂಪಿಕ್ಸ್​ನಲ್ಲಿ ಇಂದು ಭಾರತೀಯ ಕ್ರೀಡಾಪಟುಗಳು ಅನೇಕ ಸ್ಪರ್ಧೆಗಳಲ್ಲಿ ಭಾಗಿಯಾಗಿದ್ದರು. ಆದರೆ ಸ್ಪೇನ್​ ವಿರುದ್ಧ ನಡೆದ ಹಾಕಿಯಲ್ಲಿ ಭಾರತದ ಪುರುಷರ ತಂಡ ಭರ್ಜರಿ ಗೆಲುವು ದಾಖಲಿಸಿದ್ದು, ಬಾಕ್ಸಿಂಗ್​ನಲ್ಲಿ ಲವ್ಲಿನಾ ಬೊರ್ಗೊಹೈನ್​​ ಕ್ವಾರ್ಟರ್​​ಫೈನಲ್​ಗೆ ಪ್ರವೇಶ ಪಡೆದುಕೊಂಡಿದ್ದಾರೆ.

ನಾಳೆ ಪ್ರಮುಖವಾಗಿ ಬ್ಯಾಡ್ಮಿಂಟನ್ ತಾರೆ ಪಿ.ವಿ ಸಿಂಧು ಎರಡನೇ ಪಂದ್ಯದಲ್ಲಿ ಹಾಂಕಾಂಗ್ ಆಟಗಾರ್ತಿ ವಿರುದ್ಧ ಸೆಣಸಲಿದ್ದಾರೆ.

ಭಾರತ ನಾಳೆ ಈ ಸ್ಪರ್ಧೆಗಳಲ್ಲಿ ಮುಖಾಮುಖಿ:

ಹಾಕಿ(ಮಹಿಳಾ ತಂಡ)

ಬೆಳಗ್ಗೆ 6:30ಕ್ಕೆ ಭಾರತ-ಗ್ರೇಟ್​ ಬ್ರಿಟನ್​ ನಡುವೆ ಫೈಟ್ ​(ಈಗಾಗಲೇ ಎರಡು ಪಂದ್ಯಗಳಲ್ಲಿ ಸೋಲು ಕಂಡಿರುವ ಭಾರತ)

ಬ್ಯಾಡ್ಮಿಂಟನ್​

ಬೆಳಗ್ಗೆ 7:30ಕ್ಕೆ: ಸಿಂಗಲ್ಸ್​ನಲ್ಲಿ ಪಿ.ವಿ ಸಿಂಧು ಹಾಗೂ ಹಾಂಕಾಂಗ್ ​ಆಟಗಾರ್ತಿ ನಡುವೆ ಹಣಾಹಣಿ (ಮೊದಲ ಪಂದ್ಯ ಗೆದ್ದಿರುವ ಸಿಂಧು)

ಮಧ್ಯಾಹ್ನ 2:30ಕ್ಕೆ: ಸಿಂಗಲ್ಸ್​ನಲ್ಲಿ ಸಾಯಿ ಪ್ರಣೀತ್​ vs ನೆದರ್‌ಲ್ಯಾಂಡ್​ನ ಮಾರ್ಕ್​ ಸೆಣಸು

ಅರ್ಚರಿ(ಬಿಲ್ಲುಗಾರಿಕೆ)

ಬೆಳಗ್ಗೆ 7:31ಕ್ಕೆ: ಸಿಂಗಲ್ಸ್​ನಲ್ಲಿ ತರುಣದೀಪ್​​ ರೈ ಹಾಗೂ ಉಕ್ರೇನ್​ ಮುಖಾಮುಖಿ

ಮಧ್ಯಾಹ್ನ 12:30 ಪುರುಷರ ಸಿಂಗಲ್ಸ್​ನಲ್ಲಿ ಪ್ರವೀಣ್ ಜಾಧವ್​ vs ಗೊಲ್ಸಾನ್​​ ಆಟಗಾರ

2:14ಕ್ಕೆ ಮಹಿಳಾ ವಿಭಾಗದಲ್ಲಿ ದೀಪಿಕಾ ಕುಮಾರಿ vs ಬೂತಾನ್​ನ ಕರ್ಮಾ

ಬಾಕ್ಸಿಂಗ್​

ಮಧ್ಯಾಹ್ನ 2:30ಕ್ಕೆ: ಮಹಿಳಾ ವಿಭಾಗ(69-75 ಕೆಜಿ) ಪೂಜಾ ರಾಣಿ vs ಅಲ್ಜೀರಿಯಾ ಆಟಗಾರ್ತಿ

ಇನ್ನೊಂದು ಪಂದ್ಯ ಗೆದ್ದರೆ ಭಾರತಕ್ಕೆ ಪದಕ ಫಿಕ್ಸ್​

ಇದೇ ಮೊದಲ ಸಲ ಒಲಿಂಪಿಕ್ಸ್​ನಲ್ಲಿ ಭಾಗಿಯಾಗಿರುವ ಲವ್ಲಿನಾ, ಮುಂದಿನ ಸ್ಪರ್ಧೆಯಲ್ಲಿ ಚೀನಾದ ತೈಪೆಯ ನಿಯೆನ್​ ವಿರುದ್ಧ ಬಾಕ್ಸಿಂಗ್​ನಲ್ಲಿ ಸೆಣಸಾಟ ನಡೆಸಲಿದ್ದಾರೆ. ಇಲ್ಲಿ ಗೆದ್ದರೆ ಸೆಮಿಫೈನಲ್​ಗೆ ಲಗ್ಗೆ ಹಾಕಲಿದ್ದಾರೆ. ಒಂದು ವೇಳೆ ಅವರು ಸೆಮೀಸ್​ಗೆ ಲಗ್ಗೆ ಹಾಕಿದರೆ ಸಾಕು ಪದಕ ಸಿಗುವುದು ಪಕ್ಕಾ.