Tokyo Olympics : ಟೇಬಲ್​ ಟೆನ್ನಿಸ್ ಪುರುಷರ ಸಿಂಗಲ್ಸ್​​ನಲ್ಲಿ​ ಭಾರತದ ಜ್ಞಾನಶೇಖರನ್​ಗೆ ಸೋಲು

ಟೋಕಿಯೋ ಒಲಿಂಪಿಕ್ಸ್​ನ ಪುರುಷರ ಟೇಬಲ್ ಟೆನ್ನಿಸ್ ಸಿಂಗಲ್ಸ್ ವಿಭಾಗದಲ್ಲಿ ಭಾರತದ ಸತ್ಯನ್ ಜ್ಞಾನಶೇಖರನ್​ಗೆ ಹಿನ್ನಡೆಯಾಗಿದೆ.

ಟೋಕಿಯೋ : ಶನಿವಾರ ಟೋಕಿಯೋ ಮೆಟ್ರೋಪಾಲಿಟನ್ ಜಿಮ್ನಾಷಿಯಂನಲ್ಲಿ ನಡೆದ ಟೇಬಲ್ ಟೆನ್ನಿಸ್ ಪುರುಷರ ಸಿಂಗಲ್ಸ್ ಎರಡನೇ ಸುತ್ತಿನಲ್ಲಿ ಹಾಂಗ್ ಕಾಂಗ್‌ನ ಸಿಯು ಹ್ಯಾಂಗ್ ಲ್ಯಾಮ್‌ ವಿರುದ್ಧ ಭಾರತದ ಸತ್ಯನ್ ಜ್ಞಾನಶೇಖರನ್ ಸೋಲು ಅನುಭವಿಸಿದರು.

ಮೊದಲ ಸುತ್ತಿನಲ್ಲಿ ಸೋತ ಬಳಿಕ ಎರಡು, ಮೂರು ಮತ್ತು ನಾಲ್ಕನೇ ಸುತ್ತಿನಲ್ಲಿ ಎದುರಾಳಿ ವಿರುದ್ಧ ಸತ್ಯನ್ 11-7, 11-4 ಮತ್ತು 11-5 ರ ಅದ್ಬುತ ಪ್ರದರ್ಶನ ತೋರಿದರು. ಆದರೆ, ಐದು ಮತ್ತು ಆರನೇ ಸುತ್ತಿನಲ್ಲಿ 9-11 ಮತ್ತು 10-12 ಸೆಟ್​ಗಳಿಂದ ಹಿನ್ನಡೆ ಅನುಭವಿಸಿದರು.

ಏಳನೇ ನಿರ್ಣಾಯಕ ಸುತ್ತಿನಲ್ಲಿ ಹಿಂದಿನಂತೆ ಆಡಲಾಗದೆ ಸತ್ಯನ್ 6-11 ಸೆಟ್​ಗಳಿಂದ ಪರಾಭವಗೊಂಡರು.