Tokyo Olympics: ಜಾಗತಿಕ ಕ್ರೀಡೋತ್ಸವದ ಸಮಾರೋಪ ಸಮಾರಂಭ: ಹೀಗೆ ವೀಕ್ಷಿಸಿ ನೇರ ಪ್ರಸಾರ..

ಟೋಕಿಯೋ ಒಲಿಂಪಿಕ್ಸ್ ಸಮಾರೋಪ ಸಮಾರಂಭದ ನೇರ ಪ್ರಸಾರವನ್ನು ಟಿವಿ ಅಥವಾ ಆನ್​ಲೈನ್​ನಲ್ಲಿ ವೀಕ್ಷಿಸ ಬಯಸುವವರಿಗೆ ಇಲ್ಲಿದೆ ಸೂಕ್ತ ಮಾಹಿತಿ ಇಲ್ಲಿದೆ.

ಟೋಕಿಯೋ: ಜಪಾನ್​​ನ ಟೋಕಿಯೋದಲ್ಲಿ ಜುಲೈ 23ರಿಂದ ಆರಂಭಗೊಂಡಿದ್ದ ಟೋಕಿಯೋ ಒಲಿಂಪಿಕ್ಸ್ 2020 ನಿನ್ನೆಗೆ ಮುಕ್ತಾಯವಾಗಿದ್ದು, 16ನೇ ದಿನವಾದ ಇಂದು ಭರ್ಜರಿಯಾಗಿ ಸಮಾರೋಪ ಸಮಾರಂಭ ನಡೆಯಲಿದೆ.

ಭಾರತಕ್ಕೆ ಒಂದು ಚಿನ್ನ, ಎರಡು ಬೆಳ್ಳಿ ಹಾಗೂ ನಾಲ್ಕು ಕಂಚಿನ ಪದಕ ಸೇರಿ ಒಟ್ಟು 7 ಪದಕ ಬಂದಿದೆ. ಈ ಮೂಲಕ ಅತಿ ಹೆಚ್ಚು ಪದಕ ಗೆದ್ದು ಭಾರತ ಒಲಿಂಪಿಕ್ಸ್​ ಇತಿಹಾಸದಲ್ಲೇ ಹೊಸದೊಂದು ದಾಖಲೆ ನಿರ್ಮಿಸಿದೆ. ಲಂಡನ್​ ಒಲಿಂಪಿಕ್ಸ್​ ವೇಳೆ ನಿರ್ಮಾಣಗೊಂಡಿದ್ದ ದಾಖಲೆಯನ್ನು ಮೀರಿದ ಸಾಧನೆಗೈದ ಕ್ರೀಡಾಪಟುಗಳ ಹೊಸ ಎತ್ತರಕ್ಕೆ ದೇಶದ ಧ್ವಜವನ್ನು ಕೊಂಡೊಯ್ದರು. ಜೊತೆಗೆ ಒಲಿಂಪಿಕ್ಸ್ ಪಾಯಿಂಟ್ ಪಟ್ಟಿಯಲ್ಲಿ ಭಾರತ 47ನೇ ಸ್ಥಾನದಲ್ಲಿದೆ.

ಇದನ್ನೂ ಓದಿ: ಟೋಕಿಯೋ ಒಲಿಂಪಿಕ್ಸ್​ನಲ್ಲಿ ಇತಿಹಾಸ ಬರೆದ ಭಾರತ.. ಅತಿ ಹೆಚ್ಚು ಪದಕ ಗೆದ್ದ ಸಾಧನೆ

ಒಲಿಂಪಿಕ್ಸ್ ಸಮಾರೋಪ ಸಮಾರಂಭ

ಟೋಕಿಯೋ ಒಲಿಂಪಿಕ್ಸ್ ಸಮಾರೋಪ ಸಮಾರಂಭವು ಟೋಕಿಯೋದಲ್ಲಿನ ರಾತ್ರಿ 8 ಗಂಟೆಗೆ ಆರಂಭವಾಗಲಿದೆ. ಭಾರತದಲ್ಲಿ ಈ ಸಮಯ ಸಂಜೆ 4.30 ಆಗಿರುತ್ತದೆ. ಟಿವಿಯಲ್ಲಿ ಸಮಾರಂಭದ ನೇರಪ್ರಸಾರ ನೋಡ ಬಯಸುವವರು Sony TEN 1 HD/SD, Sony TEN 2 HD/SD ಯಲ್ಲಿ ಇಂಗ್ಲಿಷ್ ಕಾಮೆಂಟರಿಯೊಂದಿಗೆ ವೀಕ್ಷಿಸಬಹುದು. Sony TEN 3 HD/SD ಹಿಂದಿ ಭಾಷೆ ಕಾಮೆಂಟರಿಯನ್ನು ಹೊಂದಿರುತ್ತದೆ. ಆನ್‌ಲೈನ್​ ಸ್ಟ್ರೀಮಿಂಗ್‌ ಬಯಸುವವರು SonyLivನಲ್ಲಿ ನೋಡಬಹುದಾಗಿದೆ.

ಇದನ್ನೂ ಓದಿ: ಟೋಕಿಯೋದಲ್ಲಿ ಇತಿಹಾಸ ಬರೆದ ಚೋಪ್ರಾ.. ಅಥ್ಲೆಟಿಕ್ಸ್​ನಲ್ಲಿ ಭಾರತಕ್ಕೆ ಮೊದಲ ಚಿನ್ನದ ಮುಕುಟ