ಮುಂಬೈ:ಟೋಕಿಯೋ ಒಲಿಂಪಿಕ್ಸ್ನಲ್ಲಿ ವಿಶ್ವದ ನಂಬರ್ 2 ತಂಡ ಆಸ್ಟ್ರೇಲಿಯಾ ವಿರುದ್ಧ 1-0 ಅಂತರದಿಂದ ಗೆಲುವು ದಾಖಲು ಮಾಡಿರುವ ಭಾರತದ ಮಹಿಳಾ ಹಾಕಿ ತಂಡ ಐತಿಹಾಸಿಕ ದಾಖಲೆ ನಿರ್ಮಾಣ ಮಾಡಿದೆ. ತಂಡದ ಈ ಸಾಧನೆಗೆ ಇನ್ನಿಲ್ಲದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಈಗಾಗಲೇ ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಅನೇಕರು ರಾಣಿ ರಾಂಪಲ್ ನೇತೃತ್ವದ ತಂಡಕ್ಕೆ ಶುಭ ಹಾರೈಸಿ, ಸೆಮಿಫೈನಲ್ಗೆ ಶುಭಾಶಯ ತಿಳಿಸಿದ್ದಾರೆ.
ಇದೀಗ ಬಾಲಿವುಡ್ ಬಾದ್ ಶಾ ಖ್ಯಾತಿಯ ಶಾರುಖ್ ಖಾನ್ ಕೂಡ ವಿಶ್ ಮಾಡಿದ್ದು, ತಂಡದ ಕೋಚ್ ಆಗಿರುವ ಜೋರ್ಡ್ ಮರಿಜಿನ್ ಅವರಿಗೆ ಅಭಿನಂದನೆ ಸಲ್ಲಿಕೆ ಮಾಡಿದ್ದಾರೆ. ತಂಡದ ಕ್ವಾರ್ಟರ್ ಫೈನಲ್ನಲ್ಲಿ ಗೆಲುವು ಸಾಧಿಸುತ್ತಿದ್ದಂತೆ ಕೋಚ್ ಜೋರ್ಡ್ ಮರಿಜಿನ್ ತಮ್ಮ ಟ್ವಿಟರ್ನಲ್ಲಿ Sorry family , I coming again later ಎಂದು ಬರೆದುಕೊಂಡಿದ್ದು, ತಂಡದೊಂದಿಗೆ ಇರುವ ಫೋಟೋ ಶೇರ್ ಮಾಡಿದ್ದರು. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಶಾರುಖ್ ಖಾನ್, ಹಾ..ಹಾ.. ಯಾವುದೇ ಸಮಸ್ಯೆ ಇಲ್ಲ. ಹಿಂದುರುಗಿ ಬರುವಾಗ ದೇಶದ ಕೋಟ್ಯಾಂತರ ಜನರಿಗೆ ಚಿನ್ನ ತೆಗೆದುಕೊಂಡು ಬನ್ನಿ ಎಂದಿದ್ದು, ಮಾಜಿ ಕೋಚ್ ಕಬೀರ್ ಖಾನ್ ಎಂದು ಬರೆದುಕೊಂಡಿದ್ದಾರೆ.
ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಕೋಚ್ ಜೋರ್ಡ್ ಮರಿಜಿನ್ ನಿಮ್ಮೆ ಎಲ್ಲ ಬೆಂಬಲ ಹಾಗೂ ಪ್ರೀತಿಗೆ ಧನ್ಯವಾದಗಳು. ಖಂಡಿತವಾಗಿ ಶಕ್ತಿ ಮೀರಿ ಶ್ರಮಿಸುತ್ತೇವೆ. ನಿಮ್ಮ ರಿಯಲ್ ಕೋಚ್ ಎಂದಿದ್ದಾರೆ.