ನವದೆಹಲಿ: ಒಲಿಂಪಿಕ್ಸ್ನಲ್ಲಿ ಚಿನ್ನದ ಪದಕ ಗೆದ್ದ ನೀರಜ್ ಚೋಪ್ರಾಗೆ ದೇಶ - ವಿದೇಶಗಳಿಂದ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. ನೀರಜ್ ಗೆಲುವನ್ನು ಇಡೀ ದೇಶವೇ ಸಂಭ್ರಮಿಸುತ್ತಿರುವ ಈ ಹೊತ್ತಲ್ಲಿ, ದೆಹಲಿಯ ಪಹರ್ಗಂಜ್ನಲ್ಲಿರುವ ಅಂಗಡಿಯೊಂದರ ಮಾಲೀಕರು ವಿಭಿನ್ನ ಕೆಲಸಕ್ಕೆ ಕೈ ಹಾಕಿದ್ದಾರೆ.
ಸೀತಾರಾಮ್ ದೇವನ್ಚಂದ್ ಎಂಬ ಅಂಗಡಿ ಮಾಲೀಕರು ಇಂದು ನೀರಜ್ ಎಂದು ಹೆಸರಿರುವ ಎಲ್ಲರಿಗೂ ಉಚಿತವಾಗಿ ಸ್ನ್ಯಾಕ್ಸ್ ಹಂಚಲು ಮುಂದಾಗಿದ್ದಾರೆ. ತಮ್ಮ (ನೀರಜ್) ಹೆಸರಿನ ಐಡಿ ತೋರಿಸಿದರೆ ಹಣ ತೆಗೆದುಕೊಳ್ಳುವುದಿಲ್ಲ ಎಂದು ಮಾಲೀಕರು ಹೇಳಿದ್ದಾರೆ.