ಯುಎಸ್ ಓಪನ್: ಅಲೆಕ್ಸಾಂಡರ್ ಜ್ವೆರೆವ್-ಡೊಮೆನಿಕ್ ಥೈಮ್ ಫೈನಲ್​ ಪ್ರವೇಶ

ಯುಎಸ್ ಓಪನ್​ ಸೆಮಿಫೈನಲ್​ ಪಂದ್ಯದಲ್ಲಿ ಗೆಲುವು ಸಾಧಿಸಿರುವ ಡೊಮೆನಿಕ್​ ಥೈಮ್ ಮತ್ತು ಅಲೆಕ್ಸಾಂಡರ್ ಜ್ವೆರೆವ್‌ ಭಾನುವಾರ ಫೈನಲ್ ಪಂದ್ಯದಲ್ಲಿ ಮುಖಾಮುಖಿಯಾಗಲಿದ್ದಾರೆ.

ನ್ಯೂಯಾರ್ಕ್:ಯುಎಸ್ ಓಪನ್ ಸೆಮಿಫೈನಲ್ ಪಂದ್ಯದಲ್ಲಿ ಜರ್ಮನಿಯ 5ನೇ ಶ್ರೇಯಾಂಕಿತ ಅಲೆಕ್ಸಾಂಡರ್ ಜ್ವೆರೆವ್ 3-6, 2-6, 6-3, 6-4, 6-3 ಸೆಟ್​ಗಳಿಂದ ಪ್ಯಾಬ್ಲೊ ಕ್ಯಾರೆನೋ ಬುಸ್ಟಾ ವಿರುದ್ಧ ಜಯ ಗಳಿಸಿ ಫೈನಲ್ ತಲುಪಿದ್ದಾರೆ.

ಸುಮಾರು 3 ಗಂಟೆ 23 ನಿಮಿಷ ನಡೆದ ರೋಚಕ ಹಣಾಹಣಿಯಲ್ಲಿ ಜ್ವರೆವ್ ಗೆಲುವಿನ ನಗೆ ಬೀರಿದ್ದಾರೆ. ಮೊದಲ 2 ಸೆಟ್​ಗಳಲ್ಲಿ ಹಿನ್ನಡೆ ಅನುಭವಿಸಿದ ಜ್ವೆರೆವ್ ನಂತರ ಕಂಬ್ಯಾಕ್ ಮಾಡಿದ್ರು. ಮೂರು ಸೆಟ್​​ಗಳಲ್ಲಿ ಪ್ರಾಬಲ್ಯ ಮೆರೆಯುವ ಮೂಲಕ ಗೆಲುವು ಸಾಧಿಸಿದ್ರು.

ಅಲೆಕ್ಸಾಂಡರ್ ಜ್ವೆರೆವ್

ರಷ್ಯಾದ ಡ್ಯಾನಿಲ್ ಮೆಡ್ವೆಡೆವ್‌ರನ್ನು ನೇರ ಸೆಟ್‌ಗಳ ಅಂತರದಿಂದ ಮಣಿಸಿದ ಆಸ್ಟ್ರೀಯದ ಡೊಮಿನಿಕ್ ಥೈಮ್ ಯುಎಸ್ ಓಪನ್ ಟೂರ್ನಮೆಂಟ್‌ನಲ್ಲಿ ಫೈನಲ್ ತಲುಪಿದ್ದಾರೆ.

ಡೊಮೆನಿಕ್ ಥೈಮ್

ಭಾನುವಾರ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಡೊಮೆನಿಕ್​ ಥೈಮ್, ಅಲೆಕ್ಸಾಂಡರ್ ಜ್ವೆರೆವ್‌ರನ್ನು ಎದುರಿಸಲಿದ್ದಾರೆ. ಥೈಮ್ ಹಾಗೂ ಜ್ವೆರೆವ್ ಇಬ್ಬರೂ ಚೊಚ್ಚಲ ಗ್ರ್ಯಾಂಡ್​​​‌ಸ್ಲಾಮ್ ಪ್ರಶಸ್ತಿ ಗೆಲ್ಲುವ ವಿಶ್ವಾಸದಲ್ಲಿದ್ದಾರೆ.