ವಿಂಬಲ್ಡನ್​ನಲ್ಲಿ ಸ್ಟ್ಯಾನ್‌ ವಾವ್ರಿಂಕಾಗೆ ನಿರಾಸೆ.. ಒಪೆಲ್ಕಾ ವಿರುದ್ಧ ಸೋತು ಹೊರಬಿದ್ದ ಸ್ವಿಸ್ ಆಟಗಾರ

ಮೂರು ಬಾರಿ ಗ್ರ್ಯಾಂಡ್​ಸ್ಲಾಮ್ ವಿಜೇತ ವಾವ್ರಿಂಕಾ ವಿಂಬಲ್ಡನ್ ಟೂರ್ನಿಯಲ್ಲಿ ಅಮೆರಿಕದ ರೀಲಿ ಒಪೆಲ್ಕಾ ಅವರ ವಿರುದ್ಧ ನಿರಾಸೆ ಅನುಭವಿಸಿದ್ದಾರೆ.

ಲಂಡನ್​: ಸ್ವಿಟ್ಜರ್​ಲೆಂಡ್​ನ ಸ್ಟಾರ್​ ಟೆನ್ನಿಸ್​ ಆಟಗಾರ ಸ್ಟ್ಯಾನ್‌ ವಾವ್ರಿಂಕಾ, 2019ನೇ ವಿಂಬಲ್ಡನ್ ಟೂರ್ನಿಯಲ್ಲಿ ಅಮೆರಿಕದ ರೀಲಿ ಒಪೆಲ್ಕಾ ಅವರ ವಿರುದ್ದ ಸೋಲು ಕಂಡಿದ್ದಾರೆ.

ಮೂರು ಬಾರಿ ಗ್ರ್ಯಾಂಡ್​ಸ್ಲಾಮ್ ವಿಜೇತ ವಾವ್ರಿಂಕಾಗೆ ಎರಡನೇ ಸುತ್ತಿನಲ್ಲಿ ಅಮೆರಿಕಾದ ಒಪೆಲ್ಕಾ ಶಾಕ್​ ನೀಡಿದ್ದಾರೆ. 21 ವರ್ಷ ವಯಸ್ಸಿನ ಒಪೆಲ್ಕಾ, 34 ವರ್ಷದ ವಾವ್ರಿಂಕಾ ಅವರನ್ನ 7–5, 3–6, 4–6, 6–4, 8–6 ಸೆಟ್​ಗಳ ಅಂತರದಿಂದ ಸೋಲುಣಿಸಿದ್ದಾರೆ.

ಆಸ್ಟ್ರೇಲಿಯಾ ಓಪನ್​, ಫ್ರೆಂಚ್​ ಓಪನ್​ ಮತ್ತು ಯುಎಸ್​ ಓಪನ್​ನಲ್ಲಿ ಗೆಲುವು ಸಾಧಿಸಿ ಚಾಂಪಿಯನ್​ ಆಗಿದ್ದ ವಾವ್ರಿಂಕಾ ವಿಂಬಲ್ಡನ್​ನಲ್ಲಿ ಒಂದು ಬಾರಿಯೂ ಕ್ವಾರ್ಟರ್​ಫೈನಲ್​ ಹಂತ ತಲುಪಿಲ್ಲ. ಈ ಬಾರಿ ಕೂಡ ವಾವ್ರಿಂಕಾ, ಅಮೆರಿಕದ ಒಪೆಲ್ಕಾ ವಿರುದ್ಧ ನಿರಾಸೆ ಅನುಭವಿಸಿ ಟೂರ್ನಿಯಿಂದ ಹೊರಬಿದ್ದಿದ್ದಾರೆ.