ಅರ್ಜೆಂಟೀನಾ ಓಪನ್; 2ನೇ ಶ್ರೇಯಾಂಕದ ಗ್ಯಾರಿಂಟೋರನ್ನು ಮಣಿಸಿದ ಭಾರತದ ಸುಮಿತ್

ಎಟಿಪಿ ಶ್ರೇಯಾಂದಲ್ಲಿ 150ನೇ ಸ್ಥಾನದಲ್ಲಿರುವ ಸುಮಿತ್,​ ಅರ್ಜೆಂಟೀನಾ ಓಪನ್​ನಲ್ಲಿ 2ನೇ ಶ್ರೇಯಾಂಕ ಪಡೆದಿದ್ದ ಚಿಲಿಯ ಕ್ರಿಸ್ಚಿಯನ್​ ಗ್ಯಾರಿಂಟೋ ಅವರನ್ನು 6-4, 6-3 ರಲ್ಲಿ ಮಣಿಸುವ ಮೂಲಕ ಕ್ವಾರ್ಟರ್​ ಫೈನಲ್ ಪ್ರವೇಶಿಸಿದ್ದಾರೆ.

ಬ್ಯೂನಸ್ ಐರಿಸ್​ (ಅರ್ಜೆಂಟೀನಾ): ಭಾರತದ ಉದಯೋನ್ಮುಖ ಟೆನಿಸ್​ ಆಟಗಾರ ಸುಮಿತ್ ನಗಾಲ್​ ಅರ್ಜೆಂಟೀನಾ ಓಪನ್​​ನಲ್ಲಿ ವೃತ್ತಿ ಜೀವನದ ಶ್ರೇಷ್ಠ ಜಯ ಸಾಧಿಸಿದ್ದಾರೆ. ಅವರು ವಿಶ್ವದ 22ನೇ ಶ್ರೇಯಾಂಕದ ಕ್ರಿಸ್ಚಿಯನ್​ ಗ್ಯಾರಿಂಟೋ ಅವರನ್ನು ಮಣಿಸಿ ಅಚ್ಚರಿ ಮೂಡಿಸಿದ್ದಾರೆ.

ಎಟಿಪಿ ಶ್ರೇಯಾಂಕದಲ್ಲಿ 150ನೇ ಸ್ಥಾನದಲ್ಲಿರುವ ಸುಮಿತ್,​ ಅರ್ಜೆಂಟೀನಾ ಓಪನ್​ನಲ್ಲಿ 2ನೇ ಶ್ರೇಯಾಂಕ ಪಡೆದಿದ್ದ ಚಿಲಿಯ ಕ್ರಿಸ್ಚಿಯನ್​ ಗ್ಯಾರಿಂಟೋ ಅವರನ್ನು 6-4, 6-3 ರಲ್ಲಿ ಮಣಿಸುವ ಮೂಲಕ ಕ್ವಾರ್ಟರ್​ ಫೈನಲ್ ಪ್ರವೇಶಿಸಿದ್ದಾರೆ.

ಭಾರತೀಯ ಆಟಗಾರ ಎರಡು ಸೆಟ್​ಗಳಲ್ಲೂ ಪ್ರಾಬಲ್ಯ ಸಾಧಿಸುವ ಮೂಲಕ ಇದೇ ಮೊದಲ ಬಾರಿಗೆ ಅಗ್ರ 50 ರೊಳಗಿನ ಆಟಗಾರರನ್ನು ಮಣಿಸಿದ ಶ್ರೇಯಕ್ಕೆ ಪಾತ್ರರಾದರು. ಈ ಹಿಂದೆ ಅವರು ವಿಶ್ವಶ್ರೇಷ್ಠ ರೋಜರ್​ ಫೆಡರರ್​ ಮತ್ತು ಡೊಮೆನಿಕ್ ಥೀಮ್​ ಅವರ ವಿರುದ್ಧ ಒಮ್ಮೆ ಕಾದಾಡಿದ್ದರು. 2019ರ ಯುಎಸ್​ ಓಪನ್​ನಲ್ಲಿ ಫೆಡರರ್​ ವಿರುದ್ಧ ಮೊದಲ ಸೆಟ್​ ಗೆಲ್ಲುವ ಮೂಲಕ ಎಲ್ಲರ ಹುಬ್ಬೇರುವಂತೆ ಮಾಡಿದ್ದರು.

ನಗಾಲ್ ಕ್ವಾರ್ಟರ್ ಫೈನಲ್​ನಲ್ಲಿ ಸ್ಪೇನಿನ ಆಲ್ಬರ್ಟ್​ ರಮೋಸ್​ ಅವರನ್ನು ಶುಕ್ರವಾರ ಎದುರಿಸಲಿದ್ದಾರೆ.