ಆಗಸ್ಟ್​​ನಲ್ಲಿ ಯುಎಸ್​​ ಓಪನ್​ ಆರಂಭ: ನ್ಯೂಯಾರ್ಕ್​ ಗವರ್ನರ್​ ಘೋಷಣೆ

ಆಟಗಾರರ ಸುರಕ್ಷತೆಗೆ ಎಲ್ಲ ಕ್ರಮಗಳನ್ನ ಕೈಗೊಂಡು ಯುಎಸ್​ ಒಪನ್​ ಟೆನಿಸ್​ ಗ್ರಾಂಡ್​ಸ್ಲಾಂ ಟೂರ್ನಿ ನಡೆಸುವುದಾಗಿ ಅಮೆರಿಕದ ನ್ಯೂಯಾರ್ಕ್​ ಗವರ್ನರ್​​​​​ ಆ್ಯಂಡ್ರೋ ಕುಮೊ ಘೋಷಣೆ ಮಾಡಿದ್ದಾರೆ.

ನ್ಯೂಯಾರ್ಕ್ ​:ಟೆನಿಸ್​​​ ಪ್ರಿಯರಿಗೆ ನ್ಯೂಯಾರ್ಕ್​ ಗವರ್ನರ್​ ಸಿಹಿ ಸುದ್ದಿ ನೀಡಿದ್ದಾರೆ. ಆಗಸ್ಟ್​ 31 ರಿಂದ ಸೆಪ್ಟೆಂಬರ್​ 13 ರವರೆಗೆ ಪ್ರತಿಷ್ಠಿತ ಯುಎಸ್​ ಒಪನ್​ ಟೆನಿಸ್​ ಗ್ರಾಂಡ್​ಸ್ಲಾಂ ಟೂರ್ನಿ ನಡೆಯಲಿದೆ ಎಂದು ಘೋಷಣೆ ಮಾಡಿದ್ದಾರೆ.

ಆಟಗಾರರ ಸುರಕ್ಷತೆಗೆ ಎಲ್ಲ ಕ್ರಮಗಳನ್ನ ಕೈಗೊಂಡು ಟೂರ್ನಿ ನಡೆಸುವುದಾಗಿ ಅಮೆರಿಕದ ನ್ಯೂಯಾರ್ಕ್​ ಗವರ್ನರ್​​​​​ ಆ್ಯಂಡ್ರೋ ಕುಮೊ ಹೇಳಿದ್ದಾರೆ. ಈ ಪಂದ್ಯಾವಳಿಗಳು ಅಭಿಮಾನಿಗಳು ಪ್ರೇಕ್ಷಕರಿಲ್ಲದೇ ನಡೆಯಲಿದೆ, ಇದಕ್ಕಾಗಿ ಎಲ್ಲ ಸಿದ್ಧತೆಗಳನ್ನ ಮಾಡಿಕೊಳ್ಳಲಾಗಿದೆ.

ಅಗತ್ಯ ಮುಂಜಾಗ್ರತೆ ಕ್ರಮಗಳನ್ನ ಕೈಗೊಳ್ಳಲಾಗಿದೆ ಎಂದು ನ್ಯೂಯಾರ್ಕ್​ ಗವರ್ನರ್​​​ ಟ್ವೀಟ್​ ಮಾಡಿದ್ದಾರೆ. ಗವರ್ನರ್​ ಈ ಘೋಷಣೆ ಟೀಕೆಗಳಿಗೆ ಒಳಗಾಗಿದೆ. ಇನ್ನು ಅಮೆರಿಕ ಸರ್ಕಾರ ಟೂರ್ನಿ ಆಯೋಜನೆಗೆ ಹಸಿರು ನಿಶಾನೆ ತೋರುತ್ತಾ ಕಾದು ನೋಡಬೇಕಿದೆ. ದಿನೇ ದಿನೆ ಹೆಚ್ಚುತ್ತಿರುವ ಕೊರೊನಾ ಹಾವಳಿಯಿಂದ ಟೂರ್ನಿಗೆ ಅವಕಾಶ ಸಿಗೋದು ಡೌಟ್​ ಎನ್ನಲಾಗುತ್ತಿದೆ.