ಕರ್ನಾಟಕ

karnataka

ETV Bharat / sports

ಫೆಡೆರರ್​ ವಿರುದ್ಧ​​ ಕೆಚ್ಚೆದೆಯ ಆಟ ಪ್ರದರ್ಶಿಸಿ ಸೋಲೊಪ್ಪಿಕೊಂಡ ಸುಮಿತ್​ - ಅಮೆರಿಕಾ ಓಪನ್​

ಅಮೆರಿಕ ಓಪನ್​ ಮೊದಲ ಸುತ್ತಿನ ಪಂದ್ಯದಲ್ಲಿ ಫೆಡೆರರ್​ ವಿರುದ್ಧ ನಾಗಲ್​ 6-4, 6-1,6-2,6-4ರಲ್ಲಿ ಸೋಲು ಕಂಡಿದ್ದಾರೆ.

US Open

By

Published : Aug 27, 2019, 7:51 AM IST

Updated : Aug 27, 2019, 9:58 AM IST

ನ್ಯೂಯಾರ್ಕ್​: ಭಾರತದ 22 ವರ್ಷದ ಸುಮಿತ್​ ನಾಗಲ್ ಟೆನ್ನಿಸ್​ ದಿಗ್ಗಜ ರೋಜರ್​ ಫೆಡೆರರ್​ ವಿರುದ್ಧ ಅಮೋಘ ಆಟ ಪ್ರದರ್ಶಿಸಿ 6-4,6-1,6-2,6-4ರಲ್ಲಿ ಪರಾಜಯ ಕಂಡಿದ್ದಾರೆ.

ಪಂದ್ಯಕ್ಕೂ ಮೊದಲೇ ಈ ಪಂದ್ಯವನ್ನು ನಾಗಲ್​ ಬಹುಬೇಗ ಕಳೆದುಕೊಳ್ಳಲಿದ್ದಾರೆ ಎಂದೇ ಬಾವಿಸಲಾಗಿತ್ತು. ಆದರೆ ಮೊದಲ ಸೆಟ್​ ಅನ್ನು 6-4ರಲ್ಲಿ ಗೆದ್ದ ಅವರು ಟೆನ್ನಿಸ್​ ಲೋಕಕ್ಕೆ ಅಚ್ಚರಿ ಮೂಡಿಸಿದ್ದರು.
ಆದರೆ ನಂತರದ ಎರಡು ಸೆಟ್​ಗಳಲ್ಲಿ ಒತ್ತಡಕ್ಕೊಳಗಾದಂತೆ ಕಂಡುಬಂದ ನಾಗಲ್ 6-1,6-2 ರಲ್ಲಿ ಸೋಲುನುಭವಿಸಿದರು. ಆದರೆ ಕೊನೆಯ ಸೆಟ್​ನಲ್ಲಿ ತಿರುಗೇಟು ನೀಡಿದರಾದರು ಅನುಭವಿ ರೋಜರ್​ ಮುಂದೆ ಇವರ ಆಟ ಯಶ ಕಾಣಲಿಲ್ಲ. ಕೊನೆಯ ಸೆಟ್​ ಕೂಡ 6-4ರಲ್ಲಿ ನಾಗಲ್​ ಕಳೆದುಕೊಂಡು ಸೋಲನುಭವಿಸಿದರು.

ಈ ಪಂದ್ಯ ಸೋತರು ನಾಗಲ್​ ಅವರ ಆಟಕ್ಕೆ ಇಡೀ ಭಾರತದ ಅಭಿಮಾನಿಗಳು ಫಿದಾ ಆಗಿದ್ದು, ಮುಂದಿನ ದಿನಗಳಲ್ಲಿ ಉತ್ತಮ ಪ್ರದರ್ಶನ ನೀಡಲಿ ಎಂದು ಆಶಿಸಿದ್ದಾರೆ.

ಪಂದ್ಯಕ್ಕು ಮುನ್ನ ಮಾತನಾಡಿದ್ದ ನಾಗಲ್​ ಲೆಜೆಂಡ್​ ಫೆಡೆರರ್​ ವಿರುದ್ಧ ಆಡುತ್ತಿರುವುದೇ ಅತ್ಯಂತ ಖುಷಿತಂದಿದೆ. ಈ ಮೂಲಕ ನನ್ನ ಹೆಸರನ್ನು ಲಕ್ಷಾಂತರ ಮಂದಿ ಗುರುತಿಸುವಂತಾಗಿದೆ ಎಂದು ಸಂತೋಷ ವ್ಯಕ್ತಪಡಿಸಿದ್ದರು.

ಈ ಪಂದ್ಯಕ್ಕೂ ಮುನ್ನ ನಾಗಲ್​ ಕ್ವಾಲಿಫಯರ್​ನಲ್ಲಿ ಮೂರು ಪಂದ್ಯದಲ್ಲಿ ಗೆಲುವು ಸಾಧಿಸಿದ್ದರು. ಅಲ್ಲದೆ ಮೊದಲ ಸುತ್ತಿನಲ್ಲಿ ರೋಜರ್​ ಫೆಡೆರರ್​ ಎದುರಿಸಿದ್ದು, ಭಾರತೀಯರಿಗೆ ಹೆಮ್ಮೆಯ ವಿಷಯವಾಗಿದೆ.

ಯುಎಸ್​ ಓಪನ್​ಗೆ ಅರ್ಹತೆ ಗಿಟ್ಟಿಸಿಕೊಂಡಿದ್ದ ಗುಣೇಶ್ವರ್​ನ್​ ಸಹಾ ಮೊದಲ ಸುತ್ತಿನಲ್ಲೇ ರಷ್ಯಾದ ಡೇನಿಯಲ್​ ಮದ್ವದೆವ್​ ವಿರುದ್ಧ 6-4,6-1,6-2 ರಲ್ಲಿ ಸೋಲನುಭವಿಸಿದ್ದಾರೆ.

Last Updated : Aug 27, 2019, 9:58 AM IST

ABOUT THE AUTHOR

...view details